FESTA EN CONMEMORACIÓN DO LXXXV ANIVERSARIO DA II REPUBLICA

O próximo sábado dia 16, EU de Cambre, como ven sendo habitual nos últimos anos, celebrará a “IX Festa Republicana” co obxectivo de celebrar o 85 aniversario da proclamación da II República, o acto terá lugar no local social da S.D.C.R do Sporting Cambre en Quintán (Cambre) a partir das 13:30 horas.
Será unha festa pública e aberta a toda a cidadanía, na que compartiremos todas xuntas unha comida de confraternidade. No transcurso do acto, darase lectura a un manifesto de compromiso cos valores cívicos da II República, recordando o papel das demócratas, do movemento obreiro e da esquerda na súa loita pola recuperación da memoria histórica. Ademais, contaremos coa presenza da deputada de AGE e secretaria do PCG, Eva Solla. Dende EU Cambre entendemos que a República non só é memoria do pasado si non tamén, proxecto de futuro.
Como en edicións anteriores, serán sorteados libros e bandeiras Republicanas entre os asistentes.

Asdo: Consello Político Local de EU de Cambre

ESQUEDA UNIDA APOIA A FOLGA DE ESTUDANTES DE EDUCACIÓN SECUNDARIA E SUPERIOR CONVOCADA PARA O MÉRCORES 13 DE ABRIL

Esquerda Unida aposta pola inmediata derogación da lei Wert e do Decreto 3+2

Compostela, 12 de abril de 2016. A Área de Educación de Esquerda Unida expresa o seu total apoio á convocatoria de folga de estudantes de universidade e educación secundaria "convocada para este mércores 13 de abril a través de asembleas estudantís unitarias promovidas polo movemento estudantil galego en reivindicación da inmediata derogación da LOMCE e o Decreto 3 + 2.

Considerada de forma unánime pola comunidade educativa como unha lei de corte extraordinariamente regresivo e conservaddor, e precedida das maiores mobilizacións da historia da democracia en España en contra dunha lei educativa, Esquerda Unida quere sinalar o compromiso adquirido no seu momento pola totalidade das forzas parlamentarias da oposición ao goberno do PP de derogar a LOMCE, polo que considera a proposición de ley do PSOE aprobada no parlamento o pasado 5 de abril como insuficiente, e propón a inmediata derogación da mesma.

De igual xeito Esquerda Unida, comparte a proposta do estudantado galego en relación á inmediata derogación do Decrerto 3+2, que ao prolongar por dous anos os estudos de máster, profundiza na progresiva privatización da universidade, ao tempo que dispara os custos para o estudantado, facendo inasumible para cada vez sectores de poboación máis amplos a finalización dos estudos superiores.

Gabinete de prensa de EU

   

                   Grupo Político Municipal . Praza de Europa, 7    www.asembleacambre.es

ACdC DESMINTE AS DIFAMACIÓNS DO ALCALDE CO DOCUMENTO QUE ACREDITA QUE PRESENTOU ATA 28 PROPOSTAS PARA INCLUIR NOS ORZAMENTOS 2016.

UXC MINTE ÓS VECIÑOS CANDO DI QUE NON RECIBIU  NINGUNHAAPORTACIÓN D A OPOSICIÓN

Dende o grupo municipal da ACdC, queremos manifestar o noso malestar polas constantes mentiras e difamacións que se transmiten non só de forma individual ás veciñas e veciños, senón tamén de xeito público a través dos medios de comunicación por parte do goberno municipal, coa intención de encubrir a súa incompetencia. 

Onde o goberno de UXC-PSOE declara non recibir da oposición ningún tipo de proposta respecto aos futuros orzamentos, dende o grupo municipal da ACdC, atopámonos en condicións de demostrar estas falsas acusacións aportando como proba o documento sellado co cuño do rexistro de entrada de 28 propostas para ser incluídas nos orzamentos de 2016.

Consecuentemente cos plazos de presentación e elaboracións dos orzamentos ditas propostas as rexistramos con data de 10 de Novembro de 2015, co ánimo de non retrasar o calendario de aprobación dos orzamentos que finalizou o último día de decembro de 2015.

A incompetencia do actual Goberno de Cambre, no só leva a presentar os orzamentos con 4 meses de retraso, senón que pretenden facer corresponsables a grupos da oposición, cando dende a ACdC nos mostramos en todo momento colaborativos e proactivos, presentando propostas que enriqueceran o documento final.

Por si esto fora pouco, dende novembro ata o día de hoxe, non tivemos resposta en ningún sentido sobre o tratamento que se fixo con estas propostas, ou si se ían a ter ou non en conta, sendo esta unha nova mostra da falta de diálogo que ten este goberno coa ACdC.

Adxuntamos a esta nota de prensa o documento orixinal co selo de rexistro como xustificación documental da nosa acusación, e requerimos ó Alcalde a que desminta as difamacións vertidas.

                 

Olga Santos Voceira da ACdC 

ESQUERDA UNIDA ESIXE A DEPURACIÓN DE RESPONSABILIDADES POLÍTICAS E PENAIS TANTO TURCAS COMO EUROPEAS POR CRIMES CONTRA A HUMANIDADE

Compostela, 31 de marzo de 2016. O membro da dirección de Esquerda Unida e deputado de AGE Xabier Ron denuncia que “o homicidio de persoas refuxiadas, entre elas menores, por parte de Turquía coa complicidade da UE representa o ASASINATO DA DEMOCRACIA”. Ademais, Esquerda Unida esixe a depuración de responsabilidades políticas e penais tanto turcas como europeas por crimes contra a humanidade.

“Se se confirman as informacións extraídas polo Observatorio Sirio para os Dereitos Humanos sobre os asasinatos indiscriminados cometidos pola policía turca, e dados a coñecer esta tarde, reafirmamos que este é un acordo criminal e esiximos non só o seu final, senón tamén a depuración de responsabilidades políticas e penais por crimes contra a Humanidade”, remata o deputado. 

Grazas pola vosa atención

Gabinete de prensa de EU