GRUPO POLÍTICO MUNICIPAL . R/ Parque Europa,nº 7. 15660 (CAMBRE)
eu-cambre@esquerdaunida.org Tlf.- 981-613313 Móbil.- 654-204413 Fax.- 981-655456


NOTA INFORMATIVA DE “EU-IU” DE CAMBRE


(Problemas nos centros de ensino de Cambre)


Os últimos acontecementos xurdidos nos centros de ensino do concello, recomendan cando menos poñer en funcionamento o Consello Escolar Municipal, co fin de evitar os problemas derivados da escasez de plazas escolares, deficit de plazas nos comedores, construcción de infraestructuras deportivas, etc.
Para EU-IU ponse unha vez mais de manifesto a negativa situación que se produce ante a inexistencia do Consello Escolar Municipal, organo de participación cidadán para a necesaria comunicación e asesoramento coa comunidade escolar do municipio, para planificar e dar as respostas necesarias en materia de programación, problemática educativa, seguimento, e estudios de necesidades.
EU-IU demandará do goberno do concello proceda urxentemente a poñer en funcionamento o CEM, que segundo a Lei de Consellos Escolares de Galicia tería que estar en funcionamento fai moitos anos. Ante esta situación o noso concello está incumplindo acordos e compromisos anteriores que indicaban a idoniedade da posta en funcionamento do organo mencionado.
A ausencia de participación e encontro en materia educativa coma é o CEM constitue, non só unha grave infracción legal, xa que a súa existencia e preceptiva e obriga os concellos a tomar iniciativas para a súa creación e posta en funcionamento, senón que supón un enorme perxuizo para a planificación educativa do Concello de Cambre, xa que impide a elaboración de proxectos comúns entre os diversos sectores das comunidades escolares diante dos problemas que van xurdindo, coma é o caso da actual situación de desamparo que están a sufrir os nen@s que non poden ser escolarizados perto dos seus domicilios ou que quedan fora do comedor escolar.
O noso Grupo esixe as administracións con competencias na materia, realicen as xestións oportunas para dar solución os problemas derivados da carencia de plazas, sendo un factor fundamental para acadar a conciliación familiar e laboral das familias afectadas. Asimesmo manifestamos o noso apoio as mobilizacións e a nosa solidariedade ante o problema plantexado



Asdo: Luis M. Taibo Casás. Voceiro do Grupo

GRUPO POLÍTICO MUNICIPAL . R/ Parque Europa,nº 7. 15660 (CAMBRE)
eu@cambre.org Tlf.- 981-613313 Móbil.- 654-204413 Fax.- 981-655456




MOCIÓN PARA INTRODUCIR NOS PLIEGOS DE CONDICIÓNS PARA AS EMPRESAS QUE SUBCONTRATEN SERVIZOS CO CONCELLO, UNHA CLAÚSULA QUE GARANTICE UN SALARIO MÍNIMO DE MIL EUROS MENSUALES.

EXPOSICIÓN DE MOTIVOS


Existe a responsabilidade dos poderes públicos de garantir unhas condicións de vida dignas aos cidadáns. Unhas condicións de vida que radican, nunha boa parte da súa esencia, na garantía dunhas condicións laborais e unha capacidade adquisitiva que permita, non só a mera subsistencia senón a posibilidade de desenvolvemento dun proxecto vital.

No actual momento, existen colectivos sociais que dadas as suas difíciles condicións económicas, están nun réxime de subsistencia con situacións alarmantes tendo en conta o incremento xeneralizado dos prezos dos produtos básicos, como a vivenda e en definitiva cunha crise económica que afectará en primeiro lugar a estes colectivos mais vulnerables.

Pero dentro deste sector tamén existen diferenzas, os chamados mileuristas que foron cualificados socialmente como persoas con dificultades económicas, sitúanse nun escalón por encima doutras traballadores que non se achegan a esa cantidade e cuia situación resulta cando menos preocupante.

Neste sentido, o Concello de Cambre, dentro do ámbito das súas competencias, non pode permitir que existan traballadores cuias retribucións laborais estean por baixo deses umbrales económicos, como actualmente sucede en servizos externalizados e en empresas que contratan co Concello para a prestación de servizos públicos correspondentes ao Consistorio. Así, a ausencia de límites de salarios mínimos nos pregos de condicións das contrátas municipais fai que as empresas compitan nas súas ofertas económicas rebaixando ou mantendo na miseria as condicións económicas dos seus traballadores producíndose ademais unhas diferenzas económicas moi acentuadas entre persoas que desempeñan traballos equivalentes para o Concello pero dependentes da empresa concesionaria do persoal propio do consistorio.



Por iso, é preciso que o Concello de Cambre introduza cláusulas de salvagarda social en todos os pregos de contratos coa administración, de forma que ningunha empresa que opte a eses concursos poida facelo retribuindo aos seus traballador@s menos de mil euros brutos ao mes.

POR TODO O EXPOSTO O GRUPO MUNICIPAL DE EU-IU PROPÓN O PLENO A ADOPCIÓN DOS SEGUINTES ACORDOS:

PRIMEIRO.- O Concello de Cambre incluirá en todo tipo de contratos públicos, pregos de condicións de concursos ou instrumentos equivalentes, a garantía de remuneración mínima de 14.000 euros brutos anuais para os traballadores que, desempeñando as actividades contidas en contrátas, concurso ou instrumento similar, dependan da empresa ou entidade que opta a mesma.

SEGUNDO.- O Concello de Cambre procurará con todos os medios ao seu alcance, que as contratas en vigor de servizos públicos externalizados, inclúan a garantía de remuneración mínima de 14.000 euros brutos anuais para os traballadores que, desempeñando as actividades contidas en contrátas, dependan da empresa ou entidade que presta a mesma.



CAMBRE, a 19 de setembro de 2008


Asdo: Grupo Municipal de EU-IU

NOTA INFORMATIVA DE “EU-IU” DE CAMBRE


RIA DO BURGO

O Grupo Municipal de EU-IU de Cambre, denunciou mediante un escrito presentado no rexistro do concello e na garda Civil (SEPRONA), sobre os olores nauseabundos na Ria do Burgo, concentrados nas inmediacións da Ponte Vella na parroquia do Temple.

Veciñ@s da zona e persoas que con frecuencia acuden o lugar, manifestaban as suas protestas ante os olores insoportables, procedentes posiblemente de algún colector ou tubería, causando un profundo malestar na cidadanía, a parte das graves consecuencias ambientais sobre o marisqueo, a pesca e o turismo.

Iste feito, según manifestacións dos propios veciñ@s ven producindose nos últimos dias de unha maneira alternativa, concentrandose de un xeito especial e intensivo na zona mencionada. O voceiro de EU-IU no concello solicitou do goberno municipal, “se poñan en marcha os mecanismos oportunos que permitan investigar a procedencia” dos olores e posibles verquidos, para tomar as medidas legais necesarias contra dos responsables para correxir o problema e proceder a elaborar un expediente en caso de que fose sancionable. Esta circunstancia agudiza o mal estado da Ria que resulta xa de por sí cando menos preocupante.

Para EU-IU “urxe” tomar medidas ante este tipo de situacións perxudicias para o medio ambiente e á saúde, o problema agravase coa subida das temperaturas en ésta época do ano, facendo que a situación se convirta insoportable en moitos casos, dando unha imaxe negativa do noso concello e ós conseguintes perxuizos polo motivo exposto.



Asdo: Grupo Municipal de EU-IU

MOCIÓN PARA O ACONDICIONAMENTO DE UNHA ZONA DE BAÑO E ESPARCEMENTO NAS INMEDIACIÓNS DA PONTE DAS INSUAS


XUSTIFICACIÓN:


As ribeiras do rio Mero en Cambre contaron o longo dos anos con moitos lugares que tradicionalmente foron utilizados como zonas de baño e recreo para os cambres@s, e moitos visitantes que disfrutaban do entorno e do paisaxe natural do rio, convertindo en un importante foco de atracción turística aportando beneficios económicos para o noso pobo.

As zonas mais concurridas eran: A Marisqueira, Pozo da Campana, Retorta, As Insuas, Muiños de Naia, O Noceiro, Cela ou a recentemente desaparecida no Muiño de Peiraio. Recuperar algunhas destas zonas debe ser un compromiso da Corporación Municipal de Cambre ante os seus veciñ@s; agora pode ser o intre apropiado para dar o impulso necesario para o desenrolo de un proxecto respetuoso co rio e o seu entorno ambiental.

Un dos lugares mais concurridos foron as “Insuas”, utilizada por moitas xeneracións de cambres@s, este lugar ben podería acondicionarse para unha primeira zona de baño e esparcemento, aproveitando o espacio natural de especial fermosura e riqueza paisaxística, compatible co espacio natural do río e as súas ribeiras.

Na actualidade asistimos a recuperación ambiental das ribeiras do río mediante o Proxecto de Obras Complementarias, e deberiamos aproveitar para reservar e posteriormente acondicionar as áreas destinadas as instalacións mencionadas.

POR TODO O EXPOSTO O GRUPO MUNICIPAL DE EU-IU. PROPÓN AO PLENO A ADOPCIÓN DOS SEGUINTES ACORDOS:

PRIMEIRO.- O Goberno Municipal Iniciará de inmediato os tramites e actuacións necesarias para a elaboración de un proxecto para a construcción de unha zona de baño e esparcemento nas inmediacións da Ponte das Insuas, mediante un proceso de información pública aberto ós colectivos e persoas interesadas.

SEGUNDO.- Que a Alcaldía en nome da Corporación Municipal de Cambre, inicie de inmediato as xestións necesarias para requerir e acadar dos organismos competentes e demais entes supramunicipais, plantexandolles a devandita demanda e a súa colaboración para a elaboración e execución do mencionado proxecto.

TERCEIRO.- Nos orzamentos municipais do próximo ano 2009, destinarase unha partida especifica para a elaboración do proxecto, a parte dos fondos que poidan achegarse de subencións ou axudas procedentes de outros organismos públicos, para a actuación proposta.

CUARTO.- Que, de toda resposta ou actuación posterior que se produzca en relación a presente moción, o Goberno Municipal manteña puntualmente informado o pleno.




CAMBRE, a 25 de agosto de 2008

Asdo: Grupo Municipal de Cambre

MOCIÓN DO GRUPO MUNICIPAL DE “EU-IU” SOBRE INFRAVIVENDA RURAL.



XUSTIFICACIÓN:


En Galicia en xeral, e no noso concello en particular, ainda existen familias que habitan infravivendas rurais carentes das mínimas condicións para un mínimo digno de calidade de vida.

A Xunta de Galicia arbitra axudas ós concellos para a infravivenda rural, establecendo un marco de colaboración entre o Instituto de Vivenda e Solo e os concellos para a solución do problema das infravivendas rurais habitadas por familias con escasos recursos, co obxeto de que poidan acadar unha vivenda digna conservando a súa integración social co medio.

Tendo en conta a tipoloxia dos beneficiarios destas axudas (xeralmente persoas con escasos recursos económicos, evidente pobreza cultural e situación de marxinalidade, o que propicia a dificultade para que estén informados da existencia deste tipo de axudas e de cómo tramitalas), resulta fundamental que sexan os concellos os que deban asumir o protagonismo para detectar os casos concretos que precisan estas axudas contribuindo así a eliminar os focos de infravivenda rural que ainda existen no noso territorio.

Esta actuación, ainda que é posible que cuantitativamente non supoña no noso concello un elevado número de casos, si resulta importante cualitativamente, por tratarse de incidir e axudar a persoas que se atopan vivindo en condicións moi inferiores ao promedio da zona e, en todo caso, de xeito inadecuado para unha vida minimamente digna.

POLO EXPOSTO ESTE GRUPO MUNICIPAL PROPÓN AO PLENO A ADOPCIÓN DOS SEGUINTES ACORDOS:

PRIMEIRO.- Establecer un procedemento para detectar e censar os casos concretos de infravivendas rurais existentes no noso concello.

SEGUNDO.- Instrumentar un sistema de información para que as persoas que residen nas devanditas vivendas coñezan as posiblidades de axuda que poden recibir da Xunta de Galicia, así como analizar a estratrexia a seguir en cada caso concreto.

TERCEIRO.- Asumir a tramitación, xestión e seguimento das solicitudes de axuda dos veciñ@s do noso concello, así como, en casos especiais, unha vez concedidas as axudas, a forma mais axeitada para invertir os fondos obtidos (proxectos de reforma, rehabilitación. etc.).




En CAMBRE, a 26 de xullo de 2008

Asdo: Grupo Municipal de “EU-IU” de Cambre

MOCIÓN SOBRE A CREACIÓN DUN CÓDIGO ÉTICO DE INCOMPATIBILIDADES DOS MEMBROS DA CORPORACIÓN.


XUSTIFICACIÓN:



Cada dia mais, manifestase a enorme importancia que ten na actividade política a transpariencia no desenrolo no exercicio do cargo público para o desempeño das súas funcións, velando por respetar os dereitos dos cidadáns. En repetidas ocasións teñen surdido debates nos Plenos Municipais sobre a necesidade de dar resposta eficaz ós acuiciantes problemas derivados de supostas situacións de incompatibilidade dos membros das Corporacións Municipais.

A Lei de Administración Local de Galicia establece (artigo 230) que: “No exercicio do seu cargo, os membros das corporacións locais observarán, en todo momento, as normas sobre incompatibilidades establecidas no ordenamento vixente e asteranse de participar na deliberación, votación, e execución de calquera asunto, se concorren nel algunhas das causas ás que se refire a lexislación sobre procedemento administrativo e de contratos das administacións públicas”

Como sucede con tantas outras normas, o problema do seu cumprimento efectivo está, por unha banda, na posibilidade de burlalas a traveso de innumerables trapalladas que infrinxen o espíritu da Lei, ainda que cumpran a súa letra; e, por outra banda, en que calquera actuación, de non ser recoñecida e sancionada pola propia Corporación á que pertenece o infract@r, non deixa mais camiño que o dos tribunais, que non son un modelo de eficacia e rapidez. O resultado é que, en moitos casos estas situacións son de dominio público pero non chegan formalmente a denunciarse ou a correxirse directamente polos órganos competentes, extendendo un ha falsa imaxe de xeneralización na corrupción na vida pública.




Considera o Grupo Municipal de EU-IU que un órgano democrático coma é a Corporación Municipal de Cambre, debería elaborar e aprobar unhas normas propias que permitan evitar (e, no seu caso detectar e correxir) estas situacións, sempre potencialmente posibles.

POLAS RAZÓNS EXPOSTAS, O GRUPO MUNICIPAL DE “EU-IU” PROPÓN Ó PLENO A ADOPCIÓN DOS SEGUINTE ACORDO:

ÚNICO.- Creación dunha comisión de estudio, informe, integrada polos grupos políticos presentes na Corporación, que terá como función a elaboración e aprobación de un Código Ético que, complementado as normas legais sobre incompatibilidades, impida amparar na léxitima discrepancia política actuacións discordantes coa honestidade coa que debe ser exercido todo cargo público.




CAMBRE, 26 de xullo de 2008

Asdo: Grupo Municipal de “EU-IU”

NOTA INFORMATIVA DE "EU-IU" DE CAMBRE


O Grupo Municipal de EU-IU de Cambre, quere poñer de manifesto que ante a carencia no noso concello dun PXOM, e con vixencia dunhas Normas Subsidiarias de Planeamento, en vigor dende o ano 1994, sin ser modificadas nin homologadas a toda unha serie de normas posteriores que afectan o municipio. O amparo das mesmas estanse presentando convenios urbanísticos para o seu desenrolo, que baixo o criterio da nosa organización non obedecen en absoluto as necesidades do desenrolo municipal que precisa o concello, no momento presente.

EU-IU e consciente que existen determinados convenios que terán que adaptarse os cambios lexislativos producidos con posterioridade e non crear entre os veciñ@s situacións de agravios comparativos e de indefesión. En EU-IU queremos transpariencia e solicitaremos informes dos técnicos municipais, e non dudaremos en poñer en mans da Fiscalía os convenios que poidan presentar irregularidades administrativas e que non se axusten a legalidade vixente nin á situación de desenrolo sostible que precisa Cambre.

Os convenios urbanísticos en tramitación, teñen a súa base xuridica nas Normas Subsidiares de Cambre aprobadas no ano 94. Estas Normas clasifican amplias extensións do termino municipal como “Suelo Apto para Urbanizar”. O noso Grupo Municipal considera que están “absoletas” e son unha “reliquia da planificación incosciente e desordenada da etapa pasada”, que nada ten que ver coa realidade actual do noso concello en relación os tempos en que se aprobaron as mencionadas Normas. Cambre precisa con urxencia un PXOM que ten que ser o eixe articulador da política urbanística do futuro do concello.



Asdo: Grupo Municipal de “EU-IU” de Cambre