Nelson Mandela. Gracias Madiba. Exemplo de loita, semente de futuro.  Ata sempre compañeiro.

IMPORTANTE

O día 10 de decembro haberá manifestacións en toda Galicia en defensa da sanidade pública. Para máis información, preme aquí.

A seguir, indicamos as horas de saída e os percorridos:

• A Coruña: saída ás 20 h da Casa do Mar (avenida do Exército) e remate no Obelisco
• Ferrol: saída ás 18 h da praza de España e remate na praza de Armas
• Santiago de Compostela: saída ás 20 h da praza Roxa e remate na praza das Praterías
• Burela: saída ás 20:30 h do Hospital da Costa e remate na praza do Concello
• Lugo: saída ás 20 h do edificio da Xunta (rolda da Muralla) e remate diante da Dirección Provincial do Sergas
• Monforte de Lemos: concentración ás 20 h na praza de España
• Ourense: saída ás 20 h do Pavillón dos Remedios e remate na Subdelegación do Goberno
• O Barco de Valdeorras: saída ás 20 h do Hospital Comarcal e remate na praza do Concello
• Pontevedra: saída ás 20 h do Hospital Provincial e remate na praza de España
• Vigo: saída ás 20 h do Hospital Xeral e remate na Porta do Sol

SANIDAD

AGE presentará una moción en el Parlamento contra la posible privativación del servicio de mantenimiento del Chuac

Los trabajadores critican la contratación de una empresa externa para realizar un plan de eficiencia energética

ANA LORENZO

02 de diciembre de 2013  10:49

2 votos

Yolanda Díaz, viceportavoz de AGE en el Parlamento gallego, se reunió esta mañana con un grupo de trabajadores del área de mantenimiento del Chuac para conocer su situación ante la posible contratación de una empresa privada para poner en marcha un plan integral de eficiencia energética en las instalaciones sanitarias coruñesas. «Isto é unha estratexia absolutamente deliberada da conselleira de Sanidade, é un pasiño máis buscando nichos de negocio en todas as áreas da sanidade pública. Están privatizando absolutamente todo, e un exemplo é o contrato por 86 millóns da alta tecnoloxía. O que nunca un país debería facer é poñer en mans privadas a tecnoloxía e a radioloxía», apuntó Díaz, que anunció que su partido presentará varias mociones para saber en qué consiste el plan de ahorro para el Chuac.

Por su parte, los trabajadores afirmaron que se temen que este nuevo plan sea un pretexto para privatizar el mantenimiento del hospital -donde trabajan cerca de 70 personas-, «porque se quixeran facer eficiencia enerxética xa o incorporarían nas novas obras e instalacións que se están facendo e non é así. Se se está facendo un mal aforro enerxético e un mal mantemento é moi fácil que logo veña unha empresa privada e o mellore», señaló Ignacio Campo, mecánico do complejo hospitalario.

 

Amigas e amigos do país de Nunca Máis:

Grazas por asistirdes a unha nova convocatoria da Plataforma Nunca Máis.

O noso país segue á deriva, sen goberno de seu con competencias propias para enfrontar novas catástrofes marítimas. Galiza segue á intemperie. Os tribunais de xustiza seguen a ditar a inxustiza nas súas sentenzas. E mentres tanto, o mar segue aí, fronte ás nosas costas, bruando inverno tras inverno o seu canto desesperado, a súa soidade, temendo -como non?- que outro petroleiro como o Prestige se adentre nel e invada as súas augas de negrura, de alcatrán, de morte.

Non é tempo de quedar na casa, de resignarse, de renunciar á xustiza, ao dereito e á loita. Por iso estamos aquí, en Compostela, en Vigo, na Coruña, en Foz, en Lugo, en Ourense, en Ferrol, en Pontevedra, no país enteiro, dando, máis unha vez, un exemplo cívico de compromiso coa nosa Terra, coa xustiza, coa verdade. Todo o que non fan os que nos desgobernan, Os que nos guían / e non teñen ollos, como di Bernardino Graña nun dos seus poemas.

Fronte a nós navega aínda un petroleiro cargado de mentiras: o petroleiro da burocracia e do poder, esa inmensa marea negra que intenta afogar o clamor da xente sen saberen eles que nin o alcatrán todo do mundo calará a nosa voz, a nosa esixencia de dignidade e de xustiza, o noso berro de Nunca Máis.

Todas e todos nós lembramos aquela marea negra do Prestige que cubriu de petróleo o noso mar e as nosas praias, aquela marea negra que trouxo tanta dor aos nosos corazóns e que tanta carraxe nos provocou ao contemplarmos con estupefacción aquela xestión política do goberno do Estado e da Xunta de Galiza, cada día e a cada hora máis disparatada.

Mais, fronte ao tópico da resignación do pobo galego, Nunca Máis foi a resposta dunha sociedade viva, dun país que puxo de manifesto a súa propia forza como pobo e que nos fixo sentir o orgullo de sermos galegas e galegos. Foi aquela a maior mobilización social do mundo diante dunha catástrofe ecolóxica. E fixémola nós, aquí, en Galiza. A bandeira de Nunca Máis percorreu o planeta como símbolo da nosa loita e da nosa dignidade contra a marea negra, contra a manipulación e contra a mentira.

E aquí estamos de novo, reclamando xustiza, lembrando o que aínda queda por facer e esixindo solucións concretas:

1.      Os medios necesarios para facerlle fronte a calquera outro accidente marítimo que se poida producir nas nosas costas;

2.     a xestión definitiva para o fuel do pecio Prestige;

3.     o seguimento da saúde das persoas que limparon o chapapote;

4.     as competencias propias en seguranza e salvamento marítimo;

5.     o retorno da Seguridade Marítima á xestión pública;

6.     o control efectivo do Dispositivo de Separación de Tráfico de Fisterra;

7.     e medidas lexislativas que rematen coa impunidade dos que contaminan

O Goberno de Rajoy e a Xunta de Feijoo van presentar recursos perante do Supremo para acalar as nosas voces e as nosas conciencias da dignidade con trinta moedas de ouro, mais Galiza non ten prezo e a Plataforma Nunca Máis, ademais de demandar que quen contamina pague, vai ir máis aló dando un paso nos tribunais para que os responsábeis políticos da xestión daquela crise sexan finalmente condenados por provocar unha das maiores catástrofes ecolóxicas do mundo, porque ese delito non pode ficar impune. Once anos despois seguen a existir razóns para a indignación, a reivindicación e a contestación social.

A Plataforma Nunca Máis acordou, por unanimidade, presentar Recurso de Casación perante o Tribunal Supremo. Non por ter confianza na xustiza española, pois xa vimos que o xuízo foi unha farsa, o proceso unha fraude e a sentenza un insulto. O noso obxectivo é saír do labirinto do aparello da xustiza española e seguir até o Tribunal Europeo de Dereitos Humanos de Estrasburgo, até conseguirmos unha sentenza exemplar que sinale un antes e un despois no delito ambiental.

Durante a longa travesía xudicial do Prestige, o conxunto da cidadanía galega estivo persoada no caso a través de Nunca Máis -e tamén hai que dicilo-, grazas ao esforzo e á xenerosidade da Comisión Xurídica de Nunca Máis. Mais agora, o longo camiño que queda por percorrer na vía xudicial, no Tribunal Supremo e no Tribunal de Estrasburgo, témolo que facer como pobo galego autoorganizado en Nunca Máis, asumindo colectivamente, coa axuda económica de todas e todos nós, os custos que leva consigo a presentación deses recursos. Este ten que ser o recurso de Galiza, o recurso do pobo galego, ao que temos que contribuír cada un e unha de nós cos seus propios euros, cada quen co que libremente desexe. Ou recorremos nós esta inxusta sentenza ou ninguén o vai facer por nós. Nin Rajoy nin Feijóo van procurar que se faga xustiza; iso sabémolo ben.

Nunca Máis á incompetencia política!

Nunca Máis mareas negras de chapapote!

Nunca Máis mareas negras de manipulación e de mentiras!

Nunca Máis outro petroleiro estendendo a morte!

Nunca Máis!!!

Galiza, 1 de decembro de 2013

O próximo sábado día 30 de novembro de 2013, ás 11:30h, terá lugar unha charla - coloquio na Casa - Museo: "Casares Quiroga" , Rúa Panaderas nº12, baixo o lema " por unha sociedade libre de violencia de xénero", no que intervirán Yolanda Díaz (coordinadora nacional de EU), Mariluz Canal (avogada e feminista) e Laura del Río ( Consello comarcal de EU).

Esperamos cotar coa vosa presenza.

INICIATIVAS

                                                                           

Estado das rúas: Martin Códax, Abeleira e Estanque, na parroquia do Temple, que o Grupo de EU solicitou a súa reparación  e acondicionamento.

Estrada  do Canal en (Cecebre) na que pedimos a instalación de biondas ou guardarrailes de protección                        

INICIATIVAS DO GRUPO MUNICIPAL DE “EU”  AO PLENO E COMISIÓNS DO MES DE NOVEMBRO

MOCIÓN DE OPOSICIÓN Ó PROXECTO DE LEI DE RACIONALIZACIÓN E SOSTENIBILIDADE DA ADMINISTRACIÓN LOCAL

EXPOSICION DE MOTIVOS

Os Alcaldes e Alcaldesas de todos os grupos políticos, exceptuando o Partido Popular, mostraron o pasado 13 de outubro en Madrid, a súa posición radicalmente contraria ó Proxecto de Lei de Racionalización e Sostibilidade da Administración Local, lendo un manifesto do que algún dos seus extractos conforman a presente exposición de motivos:

“O Goberno presenta esta reforma co único obxectivo de dar cumprimento á Lei Orgánica de Estabilidade Presupostaria. E pretende basearse no argumento da carga financeira e económica que as corporacións locais significan para a economía do país. Trátase dunha afirmación sen fundamento, posto que o endebedamento público das entidades locais está en torno ao 4% do PIB, mentres que o seu déficit conxunto público total alcanzou en 2012 o 0,3% e será do 0% para o período 2013-2015. Estamos ante unha apreciación errónea dos fins constitucionais da Administración Pública, que non son outros que servir eficazmente aos intereses dos cidadáns e onde as restricións presupostarias constitúen unha limitación que se respecta totalmente polas corporacións locais, e non un fin en sí mesmo.

Pero ademais, son as administracións locais as únicas que están a diminuír o seu nivel de endebedamento, de modo que en 2012 máis de tres mil concellos tiveron superávit nas súas liquidacións presupostarias.

O cidadán, que é a quen nos debemos, acode a quen lle presta mellor os servizos e se a este fin acode aos municipios, en lugar da outros entes de maior ámbito territorial, é porque percibe que da proximidade na prestación se proporcionan servizos onde as súas necesidades particulares teñen mellor acomodo.

A ampliación do ámbito territorial do Ente prestador provoca, indubidablemente, a perda de atención á particularidade; por outro lado, a eliminación de alternativas ao cidadán non provoca maior benestar a este, senón pura prestación monopolística dos servizos e a clara tentación a privatizar a súa xestión e/ou a requirir maiores pagamentos ou copagamentos polo acceso a estes, o que indubidablemente redundará nuns servizos de menor calidade e maior custo para o cidadán.

Ésta vai ser a consecuencia ineludible da nova lei: servizos de moita peor calidade cun custo máis elevado que terán que custear os cidadáns.

O texto presentado, e que se pretende entre en vigor o 1 de xaneiro de 2014, erosiona a autonomía local non respectando as competencias municipais, non ten en conta os principios de proximidade e de equidade na prestación dos servizos públicos, non respecta as competencias das Comunidades Autónomas nin as distintas peculiaridades e realidades históricas recoñecidas nos respectivos Estatutos de Autonomía e pon en perigo a prestación dos servizos sociais básicos que tanto necesitan os cidadáns nestes momentos de dura crise económica.

Pero ademais, supón obviar os compromisos internacionais adquiridos por España coa firma da Carta Europea de Autonomía Local en 1985, que establece que o contido do compromiso adquirido coa adhesión se manifesta en que as Entidades locais teñan "liberdade plena" para exercer "a súa iniciativa en toda materia que non estea excluída da súa competencia ou atribuída a outra autoridade". Este desprezo en pouco coadxuva a manter unha credibilidade exterior imprescindible en momentos de crise como a actual, máxime cando claramente o modelo proposto non é nin máis eficaz nin máis económico.

Ao contrario, o modelo proposto polo goberno significará unha grande ineficiencia na prestación de servizos básicos (recollida e tratamento residuos sólidos, limpeza viaria, abastecemento domiciliario auga potable, acceso aos núcleos de poboación e pavimentación das vías) pero tamén nas prestacións sociais fundamentais para millóns de cidadáns. Servizos de atención domiciliaria, teleasistencia, menores, minusvalidez, inclusión de inmigrantes, infancia, dependencia, maiores... deixarán de ser prestados dende o coñecemento que proporciona a proximidade, perderán a súa calidade e eventualmente poderían deixar de dar cobertura a moitos cidadáns.

Por todo o anterior o pleno do Concello asume os seguintes:

ACORDOS

1.- O Concello de Cambre  mostra o seu rexeitamento á reforma da administración local e solicita ao Goberno da nación que, co fin de evitar a intervención do Tribunal Constitucional, retire o seu Proxecto de Lei e elabore un novo sobre a base dos principios de consenso e dos compromisos políticos básicos, debendo contar coa participación das administracións locais, tanto directamente como a través das Comunidades Autónomas no ámbito das súas competencias.

2.- Dar traslado dos acordos aos Grupos Parlamentarios do Congreso dos Deputados e ao Presidente do Goberno.

ROGOS.

1.- No pasado pleno municipal, ante unha iniciativa do noso Grupo sobre as perdas de  auga potable no concello, o concelleiro responsable informaba dos  problemas e das conseguintes derramas en varios depósitos   e na propia rede de distribución  polo  mal estado. Para o Grupo Municipal de EU, resulta necesario e urxente  realizar un estudo sobre  o estado da rede de  instalacións do suministro de auga no municipio, para  coñecer os lugares precisos onde se encontran as fugas e as cantidades perdídas, co fin de actuar para correxir a situación.

-Polo exposto, PREGAMOS o Goberno nos facilite os informes existentes,  e as actuacións que se están levando a cabo para dar solución os problemas.

2.-  O PXOM e un  documento imprescindible para o futuro desenrolo do noso concello, xa se puxo de manifesto  o incumprimento por parte das empresas redactoras respecto os prazos e irregularidades existentes na súa elaboración e trámite,  que sin duda vai influir directamente en que Cambre non teña aprobado o Plan de Urbanísmo na presente Lexislatura.

Respecto a este grave problema, o noso xuizo existe pouca información pública por parte do Goberno, dun tema que traerá graves consecuencias para o concello e os seus veciñ@s,

-Polo exposto, PREGAMOS nos informen da situación actual, e do mesmo xeito o Goberno facilite  información a cidadanía mediante os medios dispoñibles no concello.

3.- Tendo coñecemento das  queixas que os veciñ@s  fan chegar  o noso Grupo municipal  motivado o estado de inseguridade que se produce no camiño que transcurre entre Cela e O Canal, que presenta lugares que comportan perigro para a circulación rodada e peonil,  consideramos que se debe correxir esta situación  e non teñamos que lamentar ningún accidente, debido a que os vehiculos poden sairse da estrada, ou atropellar algunha persoa.

Por esto presentamos o seguinte ROGO:

-Que  o Goberno local adopte as medidas necesarias con carácter urxente para que  se instalen  quitamedos ou biondas, nos lugares do camiño mencionados onde exista risco para a circulación de persoas e vehiculos, co fin de evitar o perigro que supón polo reducido ancho do vial e falta de visibilidade.

PREGUNTAS:

1.- Veñen sendo frecuentes as queixas sobre os desperfectos existentes no Parque Infantil situado ó carón da Casa das Palmeiras. De feito, froito dunha solicitude do noso Grupo Municipal, recentemente téñense sustituído elementos de xogo que estaban en mal estado. Hoxe voltamos a denunciar que, neste mesmo parque, hai, debaixo dos columpios sendas pozas tan grandes que coa choiva se forman unhas charcas que os inutilizan para o xogo. Sabemos que colocar un chan de “corcho” como nos novos parques supón un desembolso determinado, pero neste caso, únicamente se trata de levar algo de recheo para nivelar o chan e que se poida desfrutar dun parque que, aínda que é pequeño, alberga gran cantidade de nenos.

-En base ó anteriormente exposto o noso Grupo Municipal PREGUNTA :

¿Cando pensa o Goberno tomar as medidas necesarias para proceder a tapar e rechear as pozas dos columpios do parque das Palmeiras?

2.- En relación a Moción presentada polo concelleiro de Obras e servizos  no pleno de setembro pasado, sobre a supresión do paso a nivel en Cela, e a execución de beirarrúas na estrada DP-1704. A petición do noso Grupo incluiuse solicitar a ADIF a execución dunha senda peonil ou beirarrúa no camiño  0085.

-¿Poden informarnos en que situación se encontra dita tramitación, e os posibles acordos?

3.- Veciñ@s das  rúas Abeleira, Martin Codax e Estanque, teñen denunciado a situación de abandono dos mencionados viales por carecer de asfaltado e  pronunciados baches que dificultan a circulación. En este mesmo sentido o noso Grupo ten presentado unha iniciativa nas Comisións   Informativas do mes de outono do 2011. Transcurridos mais de dous anos, a situación  de deterioro aumentou, sin que se teña feito ningunha actuación para solucionar o problema

Polo exposto, o noso Grupo Municipal pregunta:

¿Cal é o motivo polo que a dia de hoxe    estas rúas  atopanse sin asfaltar, e para cando pensa o goberno levar a cabo a reparación do  problema?

                       

                                

COMISIÓN INFORMATIVA DE OBRAS, SERVIZOS E URBANÍSMO.

ROGOS:

1.- Tendo en conta os problemas de perigrosidade  no camiño que transcurre entre Drozo e Estorrentada a altura do número 34-A, é según consta no informe emitido pola Policía local en relación a existencia de un montículo de terra que soporta un poste do tendido eléctrico, impedindo a visibilidade aos vehiculos para a súa incorporación o dito vial.

-PREGAMOS O Goberno local adopte as medidas necesarias con carácter urxente, para  para evitar  o perigro de accidentes nunha via pública de titularidade municipal.

PREGUNTAS:

1.- ¿Que medidas ten tomado o Goberno,  en referencia  a solicitude presentada polo noso Grupo,   sobre a seguridade no cimeterio municipal de Cambre?

                   En CAMBRE, a 23 de novembro  de 2013.

                        Asdo:  Grupo  Municipal  de “EU”