NOVAS DESDE CAMBRE

“EU” DENUNCIA AS DEFICIENCIAS NO ALUMEADO PÚBLICO EN CAMBRE

Esquerda Unida de Cambre, quere facer pública a súa denuncia polas continuas deficiencias existentes na rede de alumeado público do concello. Este feito estase producindo con demasiada frecuencia, polo que o noso Grupo municipal, presentará unha iniciativa nas Comisións Informativas do póximo martes.

EU reclama  con urxencia, se tomen as medidas necesarias para dar  solución a esta carencia, que  está provocando a crispación da cidadanía, esixindo unha intervención rápida por parte do concello, nun problema que afecta a parques públicos, rúas, e zonas densamente poboadas, e así rematar na maior brevedade con esta situación marxinal, que incumple as normas  básicas de seguridade establecidas..

O noso Grupo Municipal, pon de manifesto que a desidia do Goberno, está provocando que varios  lugares como é o caso da Glorieta do Paraguas, Praza Manuel Lugrís ou o propio Paseo dos Templarios, (por poñer algún exemplo), a partir das 12 da noite non contan con ningún tipo de iluminación, provocando o malestar do vencidario, transehuntes ou dos propios hosteleiros que se ven perxudicados por este feito.

              Asdo: Grupo Municipal de “EU” de Cambre