GRUPO POLÍTICO MUNICIPAL .
Praza Europa,nº 7. 15660 (CAMBRE)
UN CENTRO DE DIA
PARA MAIORES EN CAMBRE
¡UNHA NECESIDADE URXENTE!
Para os que defendemos que a solidariedade debe
ser un dos principios básicos de calquera actuación política responsable,
parécenos fundamental que os cartos públicos teñan como principal destino a
creación e mantemento de servizos que axuden a cubrir as carencias mais
importantes dos colectivos sociais desfavorecidos ou con maiores problemas.
Para o Grupo municipal de Esquerda Unida, resulta
verdadeiramente lamentable a desproporción entre a dimensión do Concello e a
dos servizos sociais que presta . E, por poñer un exemplo, falaremos da
carencia dun Centro de día para persoas maiores.
¿Qué é un Centro de día?. De xeito resumido
podería decir que é unha instalación onde as persoas maiores (a chamada
“terceira edade”) podería asistir dende a mañán ata a noite, pero non só para
permanecer alí pasivamente senón, sobre todo, para recibir todo tipo de
atencións sociosanitarias. Así, o Centro de día disporía de comedor,
terapia ocupacional, enfermería, asistencia social, etc. Sería preciso tamén
crear un servizo de transporte para que poidan asistir a él persoas de zonas
alonxadas do lugar onde estivese situado o centro, ou as que se atoparan con
problemas de movilidades.
A diferencia fundamental entre un Centro
de día e os chamados centros da terceira idade,é que estes últimos
limítanse a ser lugares onde as persoas
van mentras o seu estado físico lle lo permite e cumplen a función de proporcionarlles un espacio para
pasalo ben. Pola contra, o Centro de día atende ás mesmas
persoas prestandolles un maior grao de atencióne de servizos, pero a mais
dalles a seguridade de seguilas asistindo cando ainda que vaian perdendo
facultades físicas ou psíquicas e axudáas a manterse nas mellores condicións,
evitando que teñan que acudir a unha residencia xeriátrica. Así pode
prolongarse durante mais tempo a permanencia da persoa no seu propio medio ata
que, polo seu deterioro, precisara unha atención especial sanitaria ou
psiquiátrica. Co Centro de día resolveríanse importantes necesidades das persoas
maiores: proporcionarlles unha atención especial que non é posible darlles
individualmente nas súas casas, así como tamén aliviar problemas como a soedade
e a limitación de medios económicos que moitas veces sofren.
O Grupo Municipal de EU, entende que a laboura do
concello debe ser de atender os problemas reais das persoas. Non abonda con
organizar festas e excursións para as
persoas maiores. Hai que poñer en marcha servizos necesarios para que os
veciñ@s de Cambre teñamos asegurado unha vellez digna dentro do noso propio
ambiente. A construcción deste Centro non é unha utopía
irrealizable, sinón un servizo no que dispoñen no noso Pais moitos concellos de
igual ou menor dimensión que o noso.
En definitiva, o Centro de día de Cambre
pode construirse, ningún Goberno municipal debe ser alleo a esta necesidade
longamente demandada. Dende o noso Grupo Municipal, facemos da súa existencia un obxectivo común
irrenunciable.
Asdo: Grupo Municipal de “EU” de
Cambre
No hay comentarios:
Publicar un comentario