NOVAS DESDE CAMBRE

INICIATIVAS DO GRUPO MUNICIPAL DE "ESQUERDA UNIDA" AO PLENO E COMISIÓNS DO MES DE ABRIL.

MOCIÓN DO GRUPO MUNICIPAL DE ESQUERDA UNIDA SOBRE A PETICIÓN DA MEDALLA DE OURO DA XUNTA DE GALICIA PARA O OBRADOIRO DE GAITAS  “SEIVANE”

EXPOSICIÓN DE MOTIVOS:

A Medalla de Galicia é unha distinción de honra que concede a Xunta de Galicia  a persoas ou institucións polos seus méritos ao servizo de Galicia en calquera aspecto da realidade social, cultural ou económica.

O dia 25 de marzo do presente ano, o Obradoiro de gaitas “Seivane”,   acadou  o máximo galardón dos Premios Nacionais de Artesanía, convocado polo  Ministerio de Industria, Enerxía e Turismo.

O Obradoiro de gaitas “Seivane”,  ten a súa orixe en 1939 cando o seu fundador, Xosé Manuel Seivane Rivas, elaborou a súa primeira gaita, nunha época na que moi poucas persoas reunían a dobre condición de constructor de gaitas e gaitero. Os seus fillos, Álvaro e Xosé Manuel, seguiron os seus pasos e decidiron traballar xuntos no obradoiro familiar, impulsando así unha empresa pioneira en Galicia que modernizou os sistemas constructivos e que investiga todos os aspectos relacionados coa gaita para ofrecer un produto de calidade. Na actualidade algúns netos do fundador traballan no negocio familiar, asegurando así a continuidade dun oficio con décadas de tradición.

No transcurso de 75 anos, poderían enumerarse infinidade de feitos e actuacións levadas a cabo por esta familia de artesáns na súa   aposta decidida en favor da cultura do noso Pais. As gaitas dos “Seivane”,  elaboradas no seu obradoiro en Cambre, pulan por todo o mundo emitido un son inconfundible…o son de Galicia.

Dende o noso compromiso cidadán como Grupo político, non resulta  dificil  facer unha exposición e argumentacións da figura dos Seivane, que ben poderíamos resumilo na seguinte frase… “un modelo de éxito baseado na honestidade, un factor elemental e imprescindible para que un producto sexa apreciado e recoñecido”, (testimuña de Manuel González, Presidente da Asociación Galega  de Artesáns), recollido na revista Guieiros da Asociación Cultural Xermolos no seu número 14, adicado a Xosé Manuel Seivane Rivas.

É, para o noso Grupo municipal, unha enorme satisfacción como representantes dos veciñ@s de Cambre, que  persoas cunha traxectoria profesional intachable  no eido da artesanía e  da cultura, sexan propostos por esta Corporación para este galardón, como un recoñecemento a unha familia, a un apelido é a un traballo, poñendo en valor  a artesanía  galega con profunda semente no noso concello. Grazas a esta familia, a terra dos verdes castros consegue aumentar a súa proxección internacional que os cambres@s sentimos con orgullo e admiración.

O Obradoiro de gaitas “Seivane”, configurase cun patrimonio e  capital humán importantisimo. A  familia e os traballador@s, merecen o noso xuizo un recoñecemento pola permanente e intensa labor desenrolada,  tanto pola súa obra artesán e cultural,  como polo seu compromiso en defensa e promoción  dos valores  tradicionais  do folclore galego, tendo a súa expresión no instrumento mais tradicional “a gaita  galega”.

Ante unha realidade que xa forma parte da historia recente do noso concello.

O GRUPO MUNICIPAL DE “ESQUERDA UNIDA” PROPÓN AO PLENO DA CORPORACIÓN A ADOPCIÓN DO SEGUINTE ACORDO:

ÚNICO.- Se inicie un expediente por parte do Goberno, co fin de    solicitar a Xunta de Galicia a concesión da Medalla de ouro de Galicia, o obradoiro de gaitas da familia Seivane en Cambre.

MOCION DO GRUPO MUNICIPAL DE ESQUERDA UNIDA CONTRA A PRIVATIZACION DO REXISTRO CIVIL.

EXPOSICIÓN DE MOTIVOS:

O Rexistro Civil creouse no ano 1870 como consecuencia da revolución de 1868 que trouxo a I República co seu laicismo, separando a Igrexa do Estado, ata entón era só a Igrexa quen inscribía os nacementos.

O Goberno español, e en concreto o seu ministro de Xustiza, está tramitando un anteproyecto de lei para privatizar o Rexistro Civil, e traspasar esta competencia aos rexistradores da propiedade. Hai que recordar que os rexistradores viron diminuír os seus ingresos co fin da burbulla inmobiliaria, e que o propio Mariano Rajoy é rexistrador da propiedade en excedencia.

As administracións públicas, central e autonómicas investiron nos últimos anos centos de millóns de euros para informatizar o Rexistro Civil, diñeiro que será regalado ou dilapidado con esta privatización.

Esta privatización supoñerá para a cidadanía graves prexuízos:

- Terán que pagar por servizos que ata a data eran gratuitos: inscripciones de vodas, nacementos, defuncións,…etc. Créase un novo copago ou repago.  

- Terán que desprazarse para obter un servizo que ata agora se prestaba no seu municipio. Na maioría de municipios non existe Rexistro da Propiedade, e haberá que desprazarse a aquel municipio que o teña para poder realizar trámites imprescindibles para a vida de calquera. Ademais esta privatización supoñerá a desaparición da inmensa maioría dos xulgados de paz, ao privárselles da súa principal función, coa consiguiente perda de emprego público e de servizos de proximidade.


POLO EXPOSTO, O GRUPO MUNICIPAL DE “ESQUERDEA UNIDA” PROPÓN AO PLENO DO CONCELLO  A ADOPCIÓN DOS SEGUINTES ACORDOS:

PRIMEIRO.- O Concello de Cambre manifesta a necesidade de que o Rexistro Civil se mantéña tal e como está na actualidade prestando un servizo gratuito e público á cidadanía.

SEGUNDO.- O Concello de Cambre apoia e valora a necesidade de que os xulgados de paz continúen prestando os seus servizos de forma directa, sen ver diminuídos os seus recursos e competencias, e insta á sociedade e ao Goberno da Xunta de Galicia á defensa do Rexistro Civil como servizo público e gratuito, que asegure a axilidade e facilitación dos trámites que debe realizar a cidadanía, asumindo as competencias de carácter executivo que corresponden ás CCAA nesta materia de conformidad co previsto na Lei 20/2011, de Rexistro Civil.

TERCEIRO.- O Concello de Cambre insta ao Goberno Central á retirada do anteproyecto de lei do Ministerio de Xustiza que prevé a privatización do Rexistro Civil e impulsará a desaparición dos xulgados de paz.

CUARTO.- Dar traslado destes acordos ao Goberno Central, aos diferentes Grupos Parlamentarios do Congreso dos Deputados, ao Goberno da Xunta de Galicia e aos/as traballadores/as do Rexistro Civil de Cambre.

                              En CAMBRE, a 16 de abril de 2014

 ROGOS:

1.- Según nos consta, por información que se nos traslada a miúdo ó noso Grupo Municipal, o aseo de uso público recentemente ubicado no parque Ramón Barba do Temple, solicitado polo noso Grupo Municipal, tivo e ten unha moi boa acollida entre os usuarios do parque. Igualmente nos están a chegar múltiples demandas relativas á instalación doutro aseo público no parque infantil ubicado no paseo marítimo do temple. Son moitísimas as persoas que diariamente dan uso desta zona de xogos e dende EU queremos dar traslado ó Goberno desta demanda.

-PREGAMOS, se proceda á instalación dun aseo público no parque infantil do paseo marítimo do Temple.

2.- PREGAMOS nos informen da xuntanza mantida polo concelleiro delegado de Deportes Xuventude e Voluntariado, coa directora de Mobilidade, respecto dos diferentes problemas existentes co transporte público no concello.

3.- O pasado dia 10 deron comenzo as obras para executar o proxecto de ampliación da ponte do Burgo. En vista que a marquesiña da parada do bus situada nas inmediacións, foi retirada como consecuencia de un accidente, trancurridos aproximadamente dous meses non se ten reposto a infraestructura, recoñecendo o Goberno a dificultade para habilitar un espacio para nova ubicación.

-Polo exposto PREGAMOS o Goberno solicite información e estudos, sobre a posibilidade de habilitar un novo espacio para instalación da marquesiña no entorno do Paraguas se o propio proxecto e as condicións da obra o permiten.

PREGUNTAS:

1.- Pode informarnos o Goberno, en que fase se encontra a execución da memoria valorada, consistente na mellorar da seguridade vial no punto kilométrico 4+430 da estrada AC -214 o seu paso por Pravio?

2.- En varios puntos do Temple algún veciño de forma anónima ten instalado papeleiras en lugares nos que previsiblemente faltaron as orixinais e nunca mais se repuxeron. Nas propias papeleiras està escrita a queixa que, quen as coloca fai. Concretamente na que se atopa nas inmediaciones da pista de tenis di que leva dende 2010 sen repoñer e na da Costa da Tapia fálase de tres anos.

-Ten pensado o goberno repoñer as papeleiras?

3.- Temos constancia de que se teñen presentado de xeito escrito a través do registro, varias solicitudes para a ubicación de un ou dous bancos na beirarrúa que se atopa enfrente do local sociocultural do Graxal. O motivo de dita petición é que en moitas ocasións, e con motivo de actividades ou actos que se realizan en dito local, hai persoas agardando fora a que comece a actividade ou acto en cuestión e non hai ningún lugar onde poder sentarse. -¿Ten constancia o Goberno de estas solicitudes e ten previsto instalar o banco ou bancos

COMISIÓN INFORMATIVA DE OBRAS, SERVIZOS E URBANISMO

PREGUNTA:

2.- En varias ocasións os grupos da oposición temos plantexado a carencia de mobiliario urbano no Campo da Feira,  co fin de mellorar a imaxen e disfrute  do espacio.

-¿Ten previsto o Goberno a instalación de bancos, que sexa compatible coa actividade da feira e outros eventos?

                         

                         En CAMBRE, a 16 de abril de 2014

                           Asdo: Grupo Municipal de “EU”