NOVAS DESDE CAMBRE

INICIATIVAS PRESENTADAS pola "ASEMBLEA DE CAMBRE" AO PLENO DO DIA 16 DE SETEMBRO, CORRESPONDENTE O ORDINARIO DO MES DE AGOSTO

GRUPO POLÍTICO MUNICIPAL

Praza Europa, 7 baixo.  www.asembleadecambre.es

Olga Santos: 669-796995. Antonio Bruquetras.620-540061

SR. ALCALDE DO CONCELLO DE CAMBRE

Adxunto ó presente escrito, acompaño Moción, Rogos e Preguntas, que o

Grupo Municipal da Asemblea Cidadá de Cambre, desexa que sexan

incluídos para o seu debate no Pleno Municipal correspondente ó día 16

de Setembro de 2015, de conformidade co disposto no Artigo 97.2 do

Regulamento Orgánico, Funcionamento e Réxime Xurídico das Entidades

Locais, e no propio Regulamento Organico Municipal do Concello de

Cambre.

Cambre a 11 de Setembro de 2015

Asdo: Olga Santos López. Voceira do Grupo Municipal Asemblea Cidadá de Cambre- Son

MOCIÓN DO GRUPO MUNICIPAL DA “A c d C” EN PARA A

RECUPERACIÓN DE XOGOS ANTIGOS E TRADICIONAIS.

EXPOSICIÓN DE MOTIVOS:

Existe un gran problema: O vento do aburrimento levouse todos os xogos cos

que os nen@s do mundo se divertían e cos que pasaban tan bos intres respetando

tradicións e cultura. Cambre non é unha excepción.

Ninguén entende qué pasa pero os nenos non saben xogar. En distintos lugares

de xogo, vemos cativos sentados e con cara de aburrimento, os nen@s míranse uns a

outros e pregúntanse: Como se xogaba? Cal foi o último xogo ao que xogamos?

Temos unha importante tarefa: recuperar os xogos tradicionais ou populares

para que se poidan volver oír as risas dos nenos e nenas e todos sexan de novo felices.

É sinxelamente de recobrar a herdanza dos nosos devanceiros.

Chama a atención que nas recentes festas patronais de Cambre, subvencionadas

con diñeiro público, ninguén tivera a idea de ofrecer este tipo de actividades de lecer

os nosos mozos e mozas.

Estes xogos estimulan a imaxinación, a creatividade, a sociabilidad, facilitan a

comunicación, e recrean a linguaxe. Son xogos regulados e que ofrecen un aspecto

moi positivo para a autorregulación, o respecto e a convivencia. O corpo é o

instrumento para xogar: os nenos corren, bailan, saltan, estimulando e desenvolvendo

as súas destrezas motoras e sobre todo desenvolvendo o espírito de compañerismo de

grupo.

Os xogo violento de mesas (play, etc.) pode desembocar nun individuo violento,

cun desprezo total á vida e o respecto aos demais.

O certo é que os xogos e xoguetes tradicionais son unha valiosa achega cultural

para o desenvolvemento lúdico na infancia. A diferenza dos xoguetes de hoxe en día,

están alí dispoñibles para todos, sen distinción de categorías sociais. Son un patrimonio

universal que non debemos deixar desaparecer.

Por outra banda ao dirixirnos aos colectivos de maiores estámoslles dando a

posibilidade para que desenvolvan toda a súa experiencia e coñecementos,

traspasando a esta xeración as súas vivencias e xogos, garantíndonos con iso, que non

se perdan para sempre.

Este diálogo xeneracional entendemos que é vital xa que por unha banda

estámoslle dando aos nosos maiores un espazo que creemos importantisimo para o seu

autoestima e doutra banda estamos potenciando nos nenos o respecto e agarimo para

cos maiores.

POLO EXPOSTO , O GRUPO MUNICIPAL DA “A c d C”, PROPÓN AO PLENO DO

CONCELLO, A ADOPCIÓN DOS SEGUINTES ACORDOS:

PRIMEIRO.- Desde o Concello se potenciará a través dos colexios e colectivos de

maiores para que estes conten e axúden a recuperar os xogos tradicionais do noso

pobo, a comba, a piola, o pique, o salvavidas, a billarda, as canicas, as cometas, o

trompo, etc.

SEGUNDO.- Desde o Concello facilitarase que monitores voluntarios poidan acudir aos

centros educativos a explicar as distintas modalidades de xogos.

TERCEIRO.- O Concello editará en soporte conveniente as experiencias vividas con esta

actividade, para a súa difusión e reparto entre a comunidade educativa.

CUARTO.- Desde o Concello organizaranse unhas xornadas abertas en lugares público

(parques, prazas, etc) onde se escenifiquen todos os xogos recuperados.

 

Asdo: Olga Santos López. Voceira do Grupo.

ROGOS:

1.- De acordo co art.no 5 do Regulamento Xeral de Circulación (BOEA-

2003-23514) consideraranse obstáculos na calzada os resaltes nos pasos para peóns

e bandas transversais que non cumpran coa regulación básica establecida para o

efecto polo Ministerio de Fomento (FOM/3053/2008, do 23 de setembro). Polo tanto

os concellos tamén están afectados pola devandita normativa que establece que o

modelo dos redutores de velocidade será "unha plataforma trapezoidal de 10

centímetros de altura como máximo, construída en formigón ou material asfáltico, cun

máximo de 4 metros de longo e unhas ramplas de suba e baixada de entre 1 e 2,5

metros, dependendo do límite de velocidade existente: 1 metro para límites de 30 Km/

h.; 1,5 metros para 40 Km/h. E 2,5 metros para velocidades de 50 Km/h".

Deste xeito, o concello de Cambre podería ser sancionado se non adapta os

redutores de velocidade e bandas transversais de alertas, máis coñecidos como "gardas

tombados" que ten repartidos por moitas zonas do municipio.

Cabe recordar que o espíritu o obxecto da Orde de Fomento é evitar o perigo

para ciclistas, motivación que compartimos absolutamente dende a Asemblea Cidadá e

que damos por feito que tamén debe compartir o Goberno de Cambre.

En base ó anteriormente exposto

PREGAMOS:

Se tomen as medidas necesarias para adaptar todos aqueles resaltes e badens

que non cumplan coa devandita normativa para dar cumplimento á legalidade e

protexer a seguridade dos ciclistas.

2.- Unha vez iniciado o curso escolar, e segúndo ás informacións publicadas en

prensa

PREGAMOS, se nos informe de todas as xestións realizadas polo Goberno en relación á

revisión das contías que o Concello terá que asumir pola xestión das escolas infantís do

Temple e A Barcala, tendo en conta que dende o propio Consorcio Galego de Benestar

se veñen reclamando cantidades adeudadas por este último centro. No mesmo senso

pregamos se nos informe das contías actualmente esixidas pola Consellería e os estudos

realizados pola intervención en relación a ditas cantidades.

3.- O paseo fluvial do rio Mero é unha das rutas de senderismo mais frecuentadas

do concello, aumentado dia a dia a práctica cicloturista e paseos a cabalo. Podemos

observar como nun espacio de reducido ancho (a maioría do tempo cuberto

parcialmente pola abundante maleza), onde en algúns casos resulta perigroso

producindo mais de un accidente, como consecuencia do derribo de cicloturistas por

parte dos equinos que ocupan boa parte do espacio do paseo.

PREGAMOS ao Goberno tomen as medidas necesarias para dotar dunha maior

seguridade, procedendo entre outras, á sinalización debidamente homologada da ruta

e poidan ser compatibles as distintas modalidades de senderismo.

 

PREGUNTAS:

1.- Temos recibido queixas pola eliminación de prazas de aparcamento reservadas

para minusválidos diante do Concello.

¿Poden informarnos sobre os motivos que levaron a eliminar dúas das tres prazas de

aparcamento para minusválidos diante do Concello co novo repintado e si existe algún

tipo de previsión para compensar, ben dentro da praza ou nas proximidades ditas

prazas reservadas?

2.- Sendo conscientes de que a contratación das orquestras que actuaron nas festas

de Santa María de Cambre non dependeu do actual Goberno, sí podemos obxervar

segundo a acta da Xunta de Goberno local de 15 de Xullo que o Concelleiro delegado

da Area de Cultura, informa que o importe para o pago de tres orquestas ascendeu a

51.667 euros. A cantidade nos parece mais que desmesurada tendo en conta que a

media por osquestra sobe a mais de 17.000 euros. De cara ás festas do ano que ven,

entendemos que se deberá tomar mais dunha decisión respecto destas cantidades

absolutamente obscenas, ó noso modo de ver, que se abonan das arcas municipais a

espectáculos de moi dubidosa calidade e sobre todo moi dubidosa fiscalidade, según a

información últimamente coñecida.

¿Pode informarnos o Concelleiro responsable das súas conclusións sobre o proceso de

contratación destas orquestras así como da xustificación que poida constar no

expediente sobre o elevado importe das mesmas?

3.- Segundo información que nos traslada Hebesport, a previsión da apertura da

piscina da Barcala está fixada para este mes de Setembro, aínda que non se nos

concretou o día. Ó mesmo, tempo, e sabendo que as obras de reforma está rematadas,

coñecemos que o goberno local non abre a piscina ó público por unha cuestión de

responsabilidade mentres a cuberta siga filtrando auga. Parece, ademais, inasumible a

instalación dunh nova cuberta, polo que actualmente parece que non se pode facer uso

dunhas instalacións que levan mais de 300.000 euros investidos en reformas.

En base a esta situación o noso Grupo Municipal PREGUNTA:

¿Cal é a situación real e actual da piscina da Barcala e cales son as previsións de

actuación na cuberta e, por tanto, de apertura ó público?

                            

  

Asdo: Olga Santos López

Voceira do Grupo Municipal Asemblea Cidadá de Cambre- Son