martes, 31 de octubre de 2017


INICIATIVAS PRESENTADAS AO PLENO ORDINARIO DO MES DE OUTONO POLA "ACdC" 






Grupo Político Municipal. Pza de Europa 7.  www.asembleacambre.es  Olga Santos 669 796 995 Antonio Bruquetas 620 540 061



MOCIÓN PARA IMPULSAR UNHA ORDENANZA MUNICIPAL DE
PROTECCIÓN ANIMAL E CONVIVENCIA

EXPOSICIÓN DE MOTIVOS:
A recente aprobación da Lei de Benestar Animal polo Parlamento de Galicia e a falta dunha consignación orzamentaria mínima por parte do executivo autonómico evidencia unha vez máis a necesidade de establecer normas locais adaptadas aos tempos, ás demandas veciñais e ao interese da protección dos animais xunto cunha convivencia responsable.

A nova Lei autonómica avanza nalgúns aspectos fundamentais, reclamacións que viñan sendo continuadas por parte das entidades protectoras e dos colectivos que, como LIBERA! advirten sobre un abandono animal que non deixa de medrar e que non recibe resposta precisa dende o conxunto dos poderes públicos.
Tamén, non é menos certo, que a derivación de competencias nesta materia dende a Xunta aos Concellos, coloca aos gobernos locais nunha situación complexa, xa que teñen que aplicar as disposicións, algunhas moi novidosas, como o "sacrificio cero" ou a prohibición de encadeamento continuado, sen dispoñer dun investimento por parte da administración galega.

Só cunha remuda profunda da conciencia cidadá se poderá chegar a un Concello máis amigable e responsable cos animais, con taxas prácticamente nulas de abandono e con casos moi puntuais de crueldade, pero aplicar a Lei de Benestar Animal nos vindeiros meses esixirá

unha resposta económica da Xunta, que dote ao noso Concello de medios mínimos para afrontar o seu articulado con garantías.
A Xunta ten a obriga de apoiar ás administracións que están a asumir a práctica totalidade dunha batalla, o abandono e o maltrato, para a cal non se consignan suficientes recursos.

POLO EXPOSTO, O GRUPO MUNICIPAL DA “ACDC” PROPÓN AO PLENO A ADOPCIÓN DOS SEGUINTES ACORDOS:

1. Instar á Xunta de Galicia a consignar os recursos orzamentarios necesarios para garantir a
aplicación correcta da Lei de Benestar Animal de Galicia, así como o apoio técnico preciso para implementar as súas disposicións.

2. Instar ao Concello de Cambre a elaborar unha Ordenanza de Protección Animal e Convivencia no prazo de seis meses, contando cos grupos políticos, entes veciñais e asociación animalistas.

3. Instar ao Concello de Cambre a valorar, xunto coa veciñanza e colectivos específicos, un programa de xestión de colonias felinas baixo criterios de alimentación controlada, esterilización e convivencia responsable.


                                   Cambre a 20 de Outubro de 2017
                                      Asdo: Olga Santos López
       Voceira do Grupo Municipal Asemblea Cidadá de Cambre- Son









ROGOS:
1.- Unha vez mais traemos a pleno o problema do aparcadoiro do campo da feira, motivado o desnivel do bordillo frente a zona delimitada para aparcar, que provoca en moitos casos desperfectos os vehículos na súa parte dianteira.

Dende o noso Grupo pensamos que e cuestión de vontade política remediar a situación existente mediante algún dispositivo que impida que o vehiculo tropece no bordillo; un sistema preventivo  que  podería remediar a situación,  son as bandas protectoras  instaladas na rúa párroco Manuel Cobas.

 -Polo exposto, unha vez mais PREGAMOS o goberno, tome as medidas para  correxir a situación denunciada.





2.- Na rúa Eduardo Pondal, existen un conxunto de escalóns nas beirarrúas dos sopostais, sen ningunha rampa  o que fai difícil a accesibilidade, sobre todo para persoas  con problemas de mobilidade.

-PREGAMOS se proceda a tomar as medidas técnicamente necesarias para correxir a situación e garantir a accesibilidade das persoas.



3.- Nas inmediacións do Poligono do Espiritu Santo, no camiño que transcurre entre Muiño vello e Lendoiro, existe un verquido de augas oscuras e olor nauseabundo a un regato que verte o río Gandara. Esta zona está totalmente abandonada  por haber nas proximidades o que podemos chamar un vertedoiro incontrolado, a pesares do apercibimento dun cartel do concello.

-PREGAMOS que  se tomen as medidas pertinentes para erradicar a situación, e nos informen do verquido das augas e da sua procedencia.




                                                           

PREGUNTAS:

1.- O noso Grupo xa ten denunciado a perigrosidade que supón para a circulación un poste de formigón do tendido eléctrico no   vial que transcurre dende A Cruz a Amil,  instalado na súa marxe. A pesar de preguntar sobre as accións para  a sua retirada ou retranqueo, entendemos que a súa sinalización e de urxencia e mesmamente  necesaria.

-Poden informarnos das xestións realizadas e do motivo de nor ter o poste sinalizado para a seguridade da circulación?



2.- Recentemente un grupo de voluntarios de Alcoa  plantaron nas inmediacións do colexio do Graxal, 200 especies arbóreas, dende o noso Grupo compartimos  este tipo de iniciativas, mais en este caso, dado a necesidade de proxectar unha pantalla vexetal entre o colexio e a estrada.
Tendo en conta o anterior, e na preocupación do respecto e cuidado da vexetación plantada, o noso Grupo PREGUNTA:

-Quenes van a ser os encargados do mantemento dos árbores?

3.- Veciños de Andeiro, fixeron chegar o aviso de que na pista situada ao caron do local social, o tendido eléctrico está descolgado e entorpece claramente o xogo, por quedar a altura dunha canasta, co risco manifestó do que esta situación xenera.

-¿Qué xestións levou o gobernó para solucionar este problema, que leva xa dende agosto sin ter unha resposta, incluidas aquelas que se fixeron co responsable do tendido Unión Fenosa distribución?        


                               Cambre a 20 de Outubro de 2017

                Asdo: Olga Santos López. Voceira do Grupo

No hay comentarios: