NOVAS DESDE CAMBRE

INICIATIVAS QUE PRESENTA O GRUPO MUNICIPAL DE "ACdC" O PLENO ORDINARIO DO MES DE MARZO

Asdo: Olga Santos López. Voceira do Grupo Municipal Asemblea Cidadá de Cambre- Son

Olga Santos 669 796 995 Antonio Bruquetas 620 540 061

 

MOCIÓN PARA INSTAR O GOBERNO GALEGO PARA QUE IMPULSE UNHA "MESA DE DIÁLOGO PARA O TRANSPORTE PÚBLICO"

EXPOSICIÓN DE MOTIVOS

Galiza necesita outra política de Transporte. Unha política integral que teña como obxectivo prioritario a articulación territorial do país. Articulación que debe estar

vertebrada por unha  interconexión de calidade entre áreas metropolitanas, núcleos vilegos, zonas periurbanas e rurais, capaz de dar resposta ás demandas de mobilidade presentes e futuras da nosa poboación.

Resulta pois, fundamental, transcender a dimensión espacial do termo transporte (centrado no acto físico de portar mercadorías e persoas) e introducir a dimensión social que leva consigo implícita a mobilidade, centrada na capacidade das persoas para exercer un desprazamento. Dimensión social transversalizada en todo momento por un elemento clave: a accesibilidade.

Atopámonos nun momento transcendental para que as galegas e galegos poidamos contar cun Plan de Transporte Público de Galiza que dea respostas concretas e efectivas a problemáticas históricas do noso territorio. O límite temporal fixado pola Lei 10/2016 de Medidas Urxentes para a Actualización do Transporte Público,  obriga á aprobación do Plan de Transporte 22 meses despois da súa entrada en vigor, polo que se conta cun horizonte duns meses por diante para a súa aprobación.

Temos por tanto, a oportunidade e a responsabilidade de acometer coa máxima premura os traballos que sexan necesarios para que a elaboración do Plan de Transporte de Galiza conte coa máxima participación e diálogo social, garante de que se fixe como eixo fundamental a optimización do servizo en base a criterios de rendibilidade social, sostibilidade, transparencia e necesidade. Temos a oportunidade e a responsabilidade de que o Plan de Transporte sexa froito dunha planificación integral da mobilidade do país artellada baixo os principios de solvencia técnica, rigor técnico e máxima seguridade xurídica.

A Sentenza de marzo de 2016 do Tribunal Supremo , que anulou 129 concesións de transporte público por estrada, prorrogadas pola Xunta apelando a criterios contrarios á lei, dan boa conta do desleixo e irresponsabilidade co que foi tratado un sector estratéxico para o noso país. Un sector no que o Partido Popular leva décadas favorecendo a creación dun mercado do transporte en beneficio das grandes compañías, poñendo por riba dos dereitos das persoas, criterios mercantís e de redución de custos.

É unha obriga para o futuro do noso país mudar o rumbo. Galiza non entrará no S.XXI ata non ter unha rede de transporte público de calidade, cómpre poñer todos os esforzos en acadala.

Con ese obxetivo é fundamental a defensa dos seguintes principios básicos:

1. Garantir o dereito á mobilidade: Toda planificación da mobilidade no noso país debe estar fundamentada no beneficio social e na búsqueda de mellora de calidade de vida da poboación, reducindo os tempos empregados nos desprazamentos e garantindo que se poidan exercer dentro de parámetros de equidade e xustiza social, con independencia de renda e lugar de residencia.

2. Garantir un transporte público de calidade, capaz de dar alternativa real ao vehículo privado, con independencia dos factores socioeconómicos das persoas usuarias. Un transporte público de calidade será aquel que polas súas características sexa percibido como atractivo e útil pola poboación de forma transversal, cunha tipoloxía de usuario que abranga todas as franxas de idade, renda ou lugar de residencia

3. Mellorar a calidade ambiental e impulsar a soberanía enerxética. Dispoñer dun transporte público efectivo incidirá nun uso racional do vehículo privado, este feito leva aparellada indubidablemente unha redución de emisións de CO2 e de gases contaminantes, así como unha diminución do consumo enerxético global.

4. Garantir a Accesibilidade en todo o Transporte Público

5. Apostar polo equilibrio territorial e pola proximidade: A rede de transporte público debe ser vector de equilibrio entre os diversos territorios, garantindo o acceso a servizos a toda a poboación con independencia do seu lugar de residencia. Debe requirir especial atención o fomento dun transporte de proximidade.

6. Impulsar o dinamismo económico: A mobilidade debe permitir favorecer o atractivo das actividades terciarias, converténdose nun instrumento para desenvolvemento económico do país, contribuíndo en definitiva á dinamización económica do mesmo.

7. Integrar a todos os colectivos e administracións implicados. Deben estar integrados todos os colectivos e axentes con implicación na materia dentro dun marco de colaboración activa. Ao mesmo tempo que se debe contar con todas as administracións con facultade e competencia na materia para traballar en prol dun dereito que afecta á vida cotiá da poboación.

Dado que un novo modelo de mobilidade que vertebre un novo modelo de país, só responderá ás necesidades reais da poboación se é froito do diálogo social dentro dun marco de colaboración activa e só responderá a criterios de beneficio social sobre os beneficios monetarios se é elaborado nun marco de participación social e transparencia.

Por isto, O Grupo Municipal da ACdC considera imprescindible constituír unha Mesa para o Diálogo do Transporte Público con representantes da Xunta, sindicatos e empresas do sector, Concellos e Deputacións, direccións de colexios e ANPAS, ademáis de asociacións da sociedade civil que sumen representatividade, coñecementos e capacidade propositiva para podermos, así, articular un espazo de información, deliberación, debate e deseño participativo do novo Plan de Transporte Público de Galiza.

E propón o seguinte ACORDO para o seu debate e aprobación en Pleno:

O Concello de Cambre insta ao Goberno galego a impulsar unha Mesa para o Diálogo do Transporte Público coa fin de dotarnos dun Plan de Transporte Público en base aos seguintes obxectivos:

-Deseñar unha rede de transporte colectivo atractivo polo número de frecuencias e rutas, baixo as premisas de fiabilidade, puntualidade, accesibilidade e competitividade en tempos.

-Artellar o país coa lóxica metropolitana e comarcal, impulsando medidas como a conexión coas cabeceiras de comarca, implantación de aparcamentos disuasorios nas contornas das áreas urbanas e introdución do transporte urbano onde non exista.

-Impulsar a intermodalidade con outros medios de transporte , implementando sistemas de xestión e tarifarios unificados para para incluír, ademáis dos autobuses urbanos e metropolitanos, novas opcións coma os ferrocarrís de proximidade, tranvías e metros lixeiros, transporte marítimo metropolitano etc.

-Deseñar unha rede de transporte colectivo tendo en contas as diferentes áreas funcionais, dando cobertura e conexión aos principais nodos atractores de mobilidade como hospitais, universidades, centros comerciais, polígonos industriais, estacións etc.

-Fomento doutras formas de mobilidade sostible, tanto ciclista como peonil.

-Garantir a mobilidade en espazos rurais e zonas de baixa densidade de poboación mediante a implantación progresiva de concesións zonais, uso de vehículos de transporte colectivo de menor tamaño e outras iniciativas como programas de transporte a demanda ou transporte escolar compartida.

-Desenvolver sistemas integrados de transporte colectivo nos espazos de maior densidade litoral como as Rías Baixas e a Mariña de Lugo, incluíndo o transporte marítimo metropolitano dentro da oferta do transporte público.

-Sincronizar a oferta de transporte público cos incrementos de demanda estacionais relacionados co turismo, garantindo a calidade do servizo e dando resposta ás demandas específicas derivadas de dita actividade, mediante aumento de frecuencias e rutas.

-Adaptar a oferta de transporte público aos incrementos de demanda relacionados cos calendarios escolares e universitarios e relación desta cos fluxos de mobilidade específicos da comunidade educativa e universitaria. Supresión da estacionalidade relacionada cos calendarios escolares e universitarios cando isto supoña unha redución de oferta e unha diminución da calidade do servizo.

-Incluír a perspectiva de xénero no deseño das redes de transporte público, horarios, rutas, paradas e equipamentos. Así como impulsar medidas que resolvan as carencias do transporte público colectivo no referente á percepción de seguridade.

ROGOS:

1.- En datas recentes, o Goberno anunciaba a instalación e modificación de novos pasos de peóns en diversos lugares do Concello. Esta necesidade foi plantexada polo noso Grupo en distintas ocasións, considerando  necesario e urxente dita actuación.

Por outra banda, nunha zona completamente urbana con intenso tráfico rodado e peonil, coma é a zona do Graxal, observamos o deterioro do pintado dos pasos e incluso nalgunha rúa sen pintar ou pintados a medias. Estas carencias, nun tema tan importante coma é a seguridade vial ben merece un seguimento no mantemento e na súa reparación tendo en conta o perigo que xera a situación.

-PREGAMOS se proceda a sinalizar horizontalmente os pasos de peóns, mediante o repintado dos mesmos.

2.- Considera o noso Grupo municipal que a recuperación da arquitectura popular é unha cuestión de notable importancia, sobre todo  para poder transmitirlles as futuras xeracións a herdanza dos nosos devanceiros. 

Unha sinal importante das nosas tradicións, son “os muíños de auga”,  que  pola súa singularidade alegraban o paisaxe dos nosos ríos ademais de prestar o servizo desprendido da súa actividade orixinaria. No noso concello, podemos dicir que é muy pouca ou nula a restauración do legado dos nosos antepasados (neste caso), que se debera conservar como símbolos e testemuñas das circunstancias que conforman a nosa historia e a nosa cultura.

Polo tanto perténcelle as administracións públicas  poñer en marcha iniciativas para rescatar estes valores da arquitectura popular, tendo en conta que algunhas destas construccións atópanse en un estado de especial abandono e deterioro; que, de non remedialo con urxencia perderiámolas para sempre. Son as ribeiras dos ríos de Cambre testemuñas de tan singulares elementos etnográficos.

A Lei 5/2006, do 30 de xuño, para a protección, conservación e mellora dos ríos galegos, no seu artigo 1, declara prioridade de interese xeral para a Comunidade Autónoma de Galicia a conservación do patrimonio natural fluvial, incluíndo a biodiversidade da flora e a fauna dos ríos galegos, así como o patrimonio etnográfico e histórico-cultural relacionado. Declarase, así mesmo, a obriga das administracións públicas galegas para garantir a protección, conservación e mellora do patrimonio natural fluvial.

-PREGAMOS nos informen da situación do patrimonio etnográfico situado nas ribeiras dos rios do noso termo municipal, e si ten previsto o Goberno algún proxecto ou actuación para poñer en valor este patrimonio.

PREGUNTAS:

1.- Nas proximidades da rúa Cruceiro na confluencia con “ABANCA”, instalaronse  bolardos para protección das sinais verticais fronte a praza de aparcamento, persoas con problemas de  mobilidade queixabanse que o reducido espacio entre os bolardos e vehiculo, non lles permite abrir a porta  na súa totalidade.

Ante as dúbidas sobre o cumprimento das normativas respecto as distancias, tanto os bolardos, coma do espazo libre a ambos lados da praza de aparcamento reservada o noso Grupo PREGUNTA:

¿Qué medidas teñen pensado acometer os responsables do goberno para solventar este problema?

2.- Problemas derivados dos  temporales de vento e choiva  acontecidos os días 23 e 24 do pasado mes, provocaron (coma ben sendo habitual)  a caida e desplazamento de contenedores de lixo, vallas, etc;  por carecer  dun sistema de anclaxe ou suxección, ocasionando problemas para o tráfico rodado e peonil co conseguinte perigro de accidentes.

No pleno de febreiro de 2017, presentaba o noso Grupo unha iniciativa en este mesmo sentido, contestando a concelleira responsable   delegada da área de Servizos: “Que recollia o ROGO dende a primeira a última palabra”

-Pode informarnos a concelleira responsable das xestións realizadas para mellorar a situación?

                                              Cambre a  28 de  Marzo de 2018

Asdo: Olga Santos López. Voceira do Grupo Municipal Asemblea Cidadá de Cambre- Son