NOVAS DESDE CAMBRE

PLENO DE DECEMBRO

MOCIÓN POLO DÍA INTERNACIONAL DAS PERSOAS MIGRANTES

EXPOSICIÓN DE MOTIVOS

            Dende a ACdC, con obxecto da recente celebración o 18 de Decembro, do Día Internacional das Persoaas Migrantes, denunciamos e sinalamos a política represiva do Estado español cara as persoas migrantes, materializada nunha lei de extranxería que constitúe a institucionalización do racismo e a criminalización da pobreza.

            Cómpre sinalar como punto de partida algúns factores que resultan determinantes sobre os ciclos migratorios, moitos deles consecuencias directas do modelo económico global capitalista, como son as guerras (na súa maioría motivadas polo saqueo de recursos naturais), o desmantelamento por parte de terceiros das estructuras estatais noutros países ou a deslocalización da producción levada a cabo polas grandes multinacionais a países en desenrolo, como perpetuación moderna das estruturas coloniais.

            O Estado español alberga actualmente sete CIE´s dentro do seu territorio. Estes cárceres para migrantes onde se encerra e priva de liberdade a persoas que non cometeron delito algún, amparándose na chamada Directiva (2008/115/CE) máis coñecida cono Directiva da Vergoña, ultraxan o Dereito Internacional e a Declaración Universal dos Dereitos Humanos.

            Así mesmo, mostramos nosa máis absoluta condena contra as devoluciones en quente, práctica onde se leva a cabo a inmediata expulsión dos migrantes no momento en que pasaron a fronteira e xa se atopan en territorio nacional, contraviniendo así ao propio Tribunal Europeo de Dereitos Humans e ao Subcomité para a Prevención da Tortura de Nacións Unidas, os cales indican que non pode expulsarse a ninguén sen iniciar o preceptivo proceso de deportación, nin negarlle ás persoas expulsadas o dereito de asistencia letrada e o dereito de poder suscitar un recurso a dita orde de expulsión.

            Desde o ano 2000 a 2018 a Secretaría de Estado de Seguridade afirma destinar 249 millóns de euros ao Sistema Integrado de Vixilancia (SIVE) que é o encargado de vixiar a Fronteira Sur. Os miles de millóns de euros dedicados a levantar valas, alambradas, concertinas, patrulleras, externalización de fronteiras e alta tecnoloxía para reforzar as fronteiras fan que as persoas cada vez véxanse obrigadas a migrar por rutas máis perigosas.

            Só en 2018, existe constancia da morte de máis 240 persoas e da desaparición de máis de 280, en realidade esta cifra de vítimas é moi superior. Os expertos da Organización Internacional para as Migraciones (OIM), estiman que por cada persoa que se comprobou o seu falecemento, outras dúas non se soubo nunca delas. Esta estimación levaría a triplicar o número de persoas que perden a vida intentando chegar a España.

            Malia que o Artigo 13 da Declaración Universal dos Dereitos Humanos declara o dereito á libre circulación e residencia, en lugar de habilitar vías legais e seguras para a migración que garantan este dereito e acaben coas mafias e as mortes no Mediterráneo, negócianse novos acordos con Marruecos para comezar a deportar a nenos e nenas non acompañadas. Séguense vendendo armas a Arabia Saudita para que o seu exército úseas en Yemen, ou permitindo que multinacionais españolas do sector textil exploten a traballadoras en terceiros países, e cando as persoas vense obrigadas a fuxir deste tipo de situacións, a Unión Europea pecha as súas fronteiras e o Estado español rexeita dous de face tres solicitudes de asilo, ultraxando permanentemente o artigo 14 da Declaración.

Por todo iso, o grupo municipal de Asemblea Cidadá de Cambre propón ao Pleno a adopción dos seguintes

ACORDOS:

PRIMEIRO.- Que este Concello en Pleno declárese contrario a toda incitación ao racismo, xenofobia ou calquera outra manifestación de incitación de odio ao diferente, e apoie todos os actos e manifestacións que se leven a cabo para a erradicación destas lacras sociais.

SEGUNDO.- Que desde o Concello de Cambre se contacte coas asociacións e entidades que traballan neste campo para levar a cabo xornadas de concienciación e integración e/ou plans de educación sobre xestión da diversidad, interculturalidad, multiculturalidad..., nos centros cívicos, colexios e institutos da cidade. Para levar a cabo campañas municipais para combater os prejuicios e falsedades que se din contra os inmigrantes, usando os centros escolares na medida do posible como aulas de integración permanentes.

TERCEIRO.- Adoptar medidas adecuadas para a protección das traballadoras migrantes en todos os sectores, sobre todo as mulleres que traballan en tarefas domésticas, agrícolas e do sector de servizos, fomentando cursos formativos sobre os seus dereitos laborais e sociais.

  

CUARTO.- Instar ao Goberno da Xunta de Galicia á especial protección dos DDHH dos menores migrantes non acompañados, e de velar pola súa saúde, a súa educación e o seu desenrolo psicosocial, asegurando que o interese superior d@ nen@ sexa unha consideración fundamental nas políticas de integración, retorno e reunificación familiar. No ámbito municipal facilitando e bonificando a súa inclusión nas guarderías municipais.

QUINTO.- Condenar enérxicamente os actos, manifestacións e expresións de racismo, discriminación racial, xenofobia e as formas conexas de ignorancia contra os migrantes e os estereotipos que a miúdo se lles aplican, entre outras cousas por motivos de relixión ou crenzas, e instar ao Estado Español a que aplique e reforce as leis vixentes cando ocorran actos, manifestacións ou expresións de xenofobia ou intolerancia contra os migrantes, a fin de acabar coa impunidade de quen cometen eses actos.

SEXTO.- Instar ao Goberno do Estado a que coopere e promova programas de movilidade migratoria legais e seguros, e rexeite de pleno todas as políticas europeas encamiñadas á externalización de fronteiras.

SÉTIMO.- Realizar esforzos coordinados para prestar asistencia e apoio ás persoas migrantes abandonadas á súa sorte en situacións vulnerables e posta en marcha de iniciativas prácticas e orientadas á acción, para detectar e emendar deficiencias en materia de protección.

OITAVO.- Instar ao Goberno do Estado á pechadura inmediata dos CIES, cárceres encubertos de persoas que non cometeron ningún delito.

NOVENO.- Condenar o tráfico e venda de armas en España.

DÉCIMO.- Condenar a tráta de seres humanos.

UNDÉCIMO.-Que este Concello apoie as campañas pola ampliación do dereito ao voto da poboación inmigrante.

Grupo Municipal