NOVAS DESDE CAMBRE

INICIATIVAS AO PLENO ORDINARIO DO CONCELLO DO MES DE FEBREIRO

PRIMEIRO ROGO

 

Ven sendo petición habitual do Alcalde, sempre que hai público e cámaras diante, solicitarnos aos grupos da oposición que os temas que sexan especialmente sensibles porque impliquen a partes concretas, sexan debatidos, preguntados e tratados en órganos sen público para manter a discrección e respeto ás partes implicadas. Sin ir mais lonxe no pleno ordinario do mes de Xaneiro o Alcalde decía: "Agradezo que este asunto o traian ás Comisións".

 Nas CCII do xoves pasado, presentamos en tempo e forma dende EU un rogo dirixido tanto ao Alcalde como ao Concelleiro de Urbanismo, e fixémolo para que, por celebrarse sen público, poidéramos tratar o tema con discrección e que dende o Goberno se nos informara da súa postura no asunto que seguidamente imos tratar.

 O Sr. Alcalde, como ven sendo práctica habitual cando non hai público que o vexa nin cámaras que o graven, fai uso do seu poder como Alcalde, para, sin xustificación legal, nin apoio normativo afirme que non me contesta porque "esta presidencia así lo decide."

 Quede constancia neste rogo, que negouse a contestar unha petición que ía dirixido a él, como Alcalde e na comisión que lle corresponde, sin dar ningunha explicación mais que él así o decidia.

O Rogo que facíamos entonces con discrección o facemos agora dende EU públicamente con toda a intención de que, por haber cámaras diante o Sr. Alcalde adopte o perfil de persoa tolerante e respetuosa con esta institución e Concelleiras e Concelleiros que a compoñemos, e despois de ter gañado unha semana de tempo, teña a ben contestalo.

 Dende EU vimos alertando xa hai varias semanas dos problemas existentes na Costa da Tapia en dous sentidos, que por negativa do Sr. Alcalde a concedernos turnos de réplica ou alusións procedo a relatar no texto deste Rogo, non tendo outra forma de libre expresión baixo o mandato desta presidencia:

 

1º.- Ruídos no exterior dun local (pub) que afectan ás vivendas do número 2 da Tapia

2º.- Dúbidas sobre a legalidade na licenza de actividade do propio local.

 

CRONOGRAMA DAS ACTUACIÓNS DOS VECIÑOS EN RELACIÓN CO CONCELLO

 12/11/2019 -- Reunión veciñal coa Arquitecta Técnica do Concello interesándose polo tipo de local e actividade que se ía ubicar no baixo do edificio. (Os asistentes a dita reunión afirman que a Arquitecta Técnica manifesta o seu descoñecemento sobre a intención de apertura dun pub no baixo, dato que non é coherente co feito de que xa existía, asinado pola mesma técnica un informe de viabilidade datado de 20 días antes a dita conversa.)

 26/11/2019 -- Preséntase escrito no Concello de Cambre asinado polo Presidente da Comunidade no que solicita "Estudio de ruído de locales e normativa actual de licencias".

 Ten declarado o Alcalde e tamén a Concelleira se Seguridade en diferentes ocasións que non eran coñecedores de que o vecindario tivera queixas respecto ao incremento de ruídos na Costa da Tapia. Procedo á lectura do escabezado deste escrito de hai dous anos e tres meses:

 

            O descoñecemento manifesto por parte do Alcalde das queixas de veciños, por tanto, non cabe visto o escrito recibido e asinado polo presidente dunha comunidade de veciños.

 

16/12/2019: O Concelleiro de Urbanismo, contesta a este escrito indicando que o 28/11/2019 entrara por rexistro a comunicación previa de obras para o acondicionamento do local e que poden persoarse para examinar a documentación.

 27/12/2019: Acuden a ver o Expediente no Concello. Nese expediente, dato a ter en conta: NON ESTÁ O INFORME DE VIABILIDADE da arquitecta técnica, que xa se fixera antes da reunión cos veciños, en conversa na que según eles, manifesta que non ten coñecemento de que se vaia instalar un pub nese baixo.

 13/2/2020: Presenta a Comunidade de Veciños do número 2 un escrito de alegacións á comunicación previa. Demandan nese escrito de Alegacións, que cando acuden a ver o expediente, no mesmo non hai planos. (Planos que si están, por outra parte cando quen acude a ver o expediente son eu). Nesas alegacións poñen de manifesto o que consideran poden ser varios incumplimentos tanto da ordenanza de actividades como da de ruídos, tales como:

 a/Artigo 66.1.1.a) da Ordenanza de Ruídos establece que non poden existir elementos medianeiros entre locais de Tipo I e Tipo II.

 b/ Consideran insuficiente unha mera "declaración responsable" do nivel sonoro da actividade para o que posteriormente será un pub. Neste punto queda de manifesto a clarividencia duns veciños fronte a todo un conglomerado de políticos e técnicos que aínda non son "coñecedores" de ningunha queixa.

Afirman no escrito de alegacións "Así mismo, el lugar donde se pretende instalar la actividad se sitúa cerca de una guardería (suelo de equipamiento de uso docente), un centro de salud (suelo de equipamiento de uso sanitario) y la Casa de las Palmeras (suelo de equipamiento de uso socio-cultural).

Neste escrito, tamén manifestan novamente: "Nuestra zona ha sufrido en los últimos años un gravísimo aumento de ruido, y el hecho de que la terraza no cuente con altavoces no parece justificación suficiente para determinar los niveles de ruido que alcanzará, por motivos obvios. " Queda de manifesto, novamente que o descoñecemento manifestado por varios dos gobernantes en diferentes ocasións, non é como consecuencia de que os veciños non o manifestaran incluso por escrito e por rexistro.

 10/3/2020: O Concello contesta, pero únicamente contesta ao que lle interesa, é decir, ao relativo a varias actuacións en dous locais de hostelería próximos, pero nin unha soa cuestión relativa as alegacións sobre o Pub en cuestión. Salientar que as actuacións realizadas polo Concello a instancias dos veciños, deberían ter sido realizadas a instancias do propio Concello e non se fixo.

É práctica habitual cos grupos políticos da oposición dar a calada por resposta, xustificando aquela máxima de que do que non se fala non existe. Sorprende ver que a práctica tamén se leva a cabo cos veciños que solicitan axuda do Concello como administración mais cercana.

 23/4/2020: Envían mail á arquitecta técnica: Pregúntaselle polo seu informe de viabilidade anterior á reunión cos veciños. O mesmo día envíase copia ao Alcalde deste mail para que estea enterado da petición.

 7/5/2020: Contesta a arquitecta técnica adxuntando un oficio do Concelleiro de Urbanismo no que indica que considera que o Beagle e o Regueira non son medianeiros porque entre ambos existe unha xunta de dilatación, que convirte aos locais en NON MEDIANEIROS.

 26/5/2020: Solicita unha das veciñas cita co Alcalde. O asunto é: Situación no Temple e o Graxal. Seguridade, ruídos e licenzas. Convivencia. 

 31/5/2020: O Alcalde queda informado absolutamente de todo o explicitado anteriormente en reunión coa veciña.

 19/7/2021: A mesma veciña envía un escrito ao buzón de queixas e suxerencias:

 "Estimado Óscar, estoy muy agradecida por la atención que me ha dedicado el ayuntamiento, el pasado lunes 31 de mayo, a través de tu llamada.

En ella te transmitía mi preocupación por la proliferación de locales de ocio y hostelería concentrados en la Rúa Tapia y alrededores, el creciente ruido y ambiente de "marcha" en una zona en la que convivimos familias, donde hay guarderías cerca, parques, centro de salud, pistas deportivas, es decir, espacios de los de uso habitual por nuestros menores y mayores que disfrutan y se dedican a otras cosas bien distintas.

Te escuché muy comprensivo y me pareció que empatizabas con nuestra situación y la de nuestros vecinos."

"Por último, me gustaría aclarar que No tengo ningún interés en realizar vuestro trabajo, me encanta el mío y no tiene nada que ver con ésto, sólo que para desempeñarlo adecuadamente necesito descansar. Pago felizmente mis impuestos y espero que vosotros cobréis un buen sueldo por el trabajo que hacéis en el concello, es un trabajo importante del que dependemos muchos. Agradezco un poco de seriedad y rigurosidad. "

17/10/2021: INFORME POLICÍA LOCAL:

 "Desplazada la patrulla al lugar observan al dirigirse hacia el portal del edificio que en la acera delante del local hay un grupo numeroso de gente hablando. (...) Dentro de la vivienda (...) sí pueden constatar  el ruído de arrastre de sillas.

17/1/2021: INFORME POLICÍA LOCAL a la 01:00 de la madrugada.

"Recibida llamada (...) tiene la música altísima (...) cosntantemente arrastrando mobiliario (...) no pudiendo conciliar el sueño. (...) Los agentes pueden constatar los hechos, escuchándose música desde varias habitaciones del domicilio, así como de vez en cuando un arrastre de las sillas del local.

A partir do coñecemento destes feitos, dende EU revisamos o expediente, observamos a negativa a entregarnos os informes da policía, e tamén desapareceu da copia do expediente que se nos enviou do Concello o mesmo informe de viabilidade que non constaba na revisión do expediente que fixeron os veciños.

Ao mesmo tempo levamos presentando diferentes rogos e preguntas en Comisións informativas e tamén en pleno ate chegar ao día de hoxe.

TODOS os grupos políticos deste Concello recibimos dous escritos asinados por 14 veciños e veciñas do número 2 e nese sentido prantexei pregunta nas CCII, utilizando o Sr. Alcalde a súa autoridade para non contestarme a pesar de estar correctamente presentados e dirixidos.

 Neses escritos os veciños asinantes volven a facer unha exposición da súa problemática, que volvo a replicar neste ROGO:

 

SOLICITAN:

1.- Se declare nula la licencia de actividad otorgada por el Concello al Pub Beagle por todos los incumplimientos y negligencias asociados a su otorgamiento, descritos en el presente documento. Creemos que todo lo expuesto pone de manifiesto que las personas responsables de otorgar las dos licencias, la de actividad y la de la supuesta terraza exterior, han cometido multitud de irregularidades, las cuales han beneficiado a los promotores de la actividad y han perjudicado enormemente a los vecinos, en oposición directa de lo que dicta en su objetivo la Ordenanza de Ruidos.

2.- Se tomen las medidas oportunas por parte de este Concello para subsanar todos los daños descritos en este documento, a las personas y al edificio.

3.- Ser respondidos mediante un informe, aclarando la totalidad de los puntos.

4.- Se anexe el presente documento al anteriormente presentado por registro electrónico, con no de registro 202299900000685, ante la Concejalía de Urbanismo y Obras.

 

PREGAMOS

 

SEXA INCOADO DE OFICIO E DE XEITO INMEDIATO UN EXPEDIENTE PARA GARANTIR QUE SE DA CUMPLIMENTO AO TITULO V DA "Ordenanza reguladora dos procedementos de intervención administrativa nos actos de uso do solo e do subsolo e no exercicio de actividades e apertura de establecementos" que contempla:

 

REPOSICIÓN DA LEGALIDADE E RÉXIME SANCIONADOR Articulo 72. Infraccións e sancións

Ás obras e actividades sometidas tanto ao réxime de comunicación previa como ao de licenza aplicaránselles as medidas de reposición da legalidade e o réxime sancionador previsto na lexislación urbanística, na Lei 9/2013, do emprendemento e da competitividade económica de Galicia, na Ordenanza municipal reguladora da protección do medio ambiente contra a emisión e recepción de ruídos e vibracións perturbadoras e do exercicio das actividades de esparexemento e/ ou recreativas sometidas a licenza, na Ordenanza municipal reguladora da publicidade exterior e na Ordenanza municipal reguladora da instalación de terrazas en terreos de uso público.

              

 

 

SEGUNDO ROGO

 Dende EU Cambre vimos de interpoñer unha denuncia contra o Concelleiro de Educación, Don Miguel Ángel Gutierrez, ante a AEPD, como consencuencia das súas declaracións públicas manifestando que a antiga empresa que prestou servizo de Atención Temperá no Concello de Cambre durante un periodo de tres meses finalizados o pasado 30/11/2021, recollía datos das familias interesadas no servizo, unha vez finalizada a prestación do mesmo, e pasáballos directamente ao Concelleiro.

Coa mesma intención que no rogo anterior, nas CCII da semana pasada interesámonos pola licitación do servizo de atención temperá e o tipo de procedemento a usar visto que estamos no prazo de presentacións de solicitudes de subvención a Política Social da Xunta de Galicia, que para o ano 2022 chega a cofinanciar ate o 90% do custe do servizo sempre que a licitación se produza a través de concurrencia competitiva e non a través dun procedemento simplificado abreviado. Tampouco o Concelleiro se dignou a contestar nas CCII e explicar os pormenores desta licitación.

 Ante a negativa a respostar e en averiguacións propias, observamos como na páxina web do Concello de Cambre séguese a publicitar a empresa que no seu día prestou o servizo. Supoñemos, inicialmente, que todo obedece a un erro ou falta de actualización da páxina e procedemos, dentro da labor que nos corresponde como fiscalizadores da acción do goberno a comprobar o percorrido desa información.

1º.- Non se indica na web do Concello que o servizo non se siga prestando. Ao contrario, indícase que é un servizo gratuíto para as persoas empadroadas en Cambre

 2º.- Facilítanse teléfonos de información: En comprobación feita por esta concelleira dende o meu teléfono persoal e sen ocultar, comprobo que o primeiro teléfono é o da empresa e o segundo o do Concelleiro de Educación.

 3º.- Solicitamos información noutra chamada á empresa sobre o procedemento a seguir para poder acceder ao servizo de Atención Temperá. A empresa indícanos, entre outras cousas, as seguintes:

               - O servizo non se está a prestar neste momento. Contaban con que se reanudara en Xaneiro.

               - Podemos enviar o informe pediátrico do neno por whatssap para que o poñan en agarda á espera de que se "reactive" o servizo. En ningún momento fan mención á protección de datos.

               - Podemos, si entendemos urxente a intervención no caso do neno ou nena, explorar dúas vías. Acudir á unidade de Atención Temperá do Hospital Materno Infantil, onde hai moita lista de agarda, ou acudir ao seu "gabinete de 11 profesionais" de xeito privado.

 Ante esta situación e a reafirmación do Concelleiro que declara que "esa antigua adjudicataria le pasa a él las solicitudes de familias interesadas", non podemos deixar pasar nin un segundo mais e interpoñemos denuncia ante a AEPD de xeito inmediato porque os datos aos que se fai referencia son de especial sensibilidade, xa que dentro dos datos pedidos pola empresa atópase o informe médico dos nenos, sin que en ningún momento fagan referencia á LOPD, entendendo que podemos estar ante unha infracción moi grave da normativa en materia de protección de datos, tanto por parte da empresa como principalmente por parte do denunciado que según as súas propias manifestacións almacena todos eses datos e solicitudes.

 PREGAMOS: Dende o Concello de Cambre, procedan con carácter inmediato a eliminar o banner dunha empresa privada que non presta ningún servizo no Concello de Cambre e que está a beneficiarse dunha publicidade gratuíta, así como que a persoa responsable da protección de datos no Concello de Cambre inicie as accións oportunas para que o tratamento irregular deses datos sensibles durante todos estes meses sexa revertido, así como a depuración de responsabilidades con respecto á actuación irresponsable, potencialmente irregular e contraria a normativa en materia de protección de datos, e totalmente inapropiada, que tiña baixo o consentimento e beneplácito do Concelleiro de Educación a unha empresa privada recabando datos en nome dun servizo público inexistente.

 

 

TERCEIRO ROGO

 

Vista a inminente contratación do SAF, no que previsiblemente a empresa que obterá o servizo será nova en Cambre, vistas as declaracións da Concelleira de Servizos Sociais no pleno de Xaneiro, no que manifestou o seu voto contrario a unha moción de apoio ás reclamacións prantexadas a este pleno pola Plataforma SAF Galicia, vistas as constantes e relatadas condicións precarias das traballadoras do SAF en Cambre, pasamos a relatar algunhas das necesidades que se nos prantexan dende o propio comité de empresa e que sabemos que coñecen tamén tanto a Concelleira, como as técnicas responsables, como o propio Alcalde que afirmou vir de reunirse coas traballadoras xusto despois de votar en contra de apoiar a súa moción.

 En Novembro de 2021 o Departamento de Servizos Sociais do Concello de Cambre recibe unha relación de incidencias que as traballadoras do SAF teñen con respecto ás súas condicións de traballo:

 

1.- Falta de comunicación na empresa que deriva en retraso en responder ás solicitudes das traballadoras. Non existe na empresa Comité de Seguridade e Saúde. Falta de horas traballadas no rexistro de fichaxe. Informan incumprimento dos pregos de contratación por ausencia de comunicación entre traballadoras, empresa e servizos sociais.

 

2.- Incumplimento do convenio por parte da empresa relativo a roupa de traballo e EPIS. Uniformes incompletos, dúas casacas por año sen pantalón, falta de entrega de calzado, guantes escasos de mala calidade, falta de tallas, así como insuficiente entrega de mascarillas FFP2, escasez de batas desbotables que teñen que reutilizarse e incluso coserse polas propias traballadoras. Toda esta situación ten levado a que as traballadoras chegaran a mercar elas mesmas roupa de traballo.

 

3.- Falta de formación. Non se cumple coas necesidades formativas da prantilla nin cos obxectivos fixados no Convenio nin nos pregos do Concello.

 

4.- Cargas de traballo na mobilización de usuarios por non ter medidas técnicas suficientes, orixinando lesións músculo-esqueléticas por sobreesforzo que derivan en moitos casos como baixas médicas que a mútua non recoñece como laborais.

 

5.- Sen vixiancia da saude. Dende 2018 ate 2022 non se realizou ningún recoñecemento médico ao persoal, aínda tendo un importante número de baixas médicas. Non existe avaliación de riscos nos domicilios que chegan a estar, nalgún caso en condicións insalubres.

 

6.- Non houbo protocolización suficiente en relación ao Covid, chegando a prestar servizos en domicilios pendentes de resultados de PCR, sen avisar á auxiliar desta circunstancia nin houbo formación en materia preventiva para evitar contaxios en pandemia. Tampouco existen protocolos de actuación en caso de usuarios agresivos, debendo permanecer no domicilio ate rematar o servizo.

 

7.- Limpezas xerais: Incumplimento do estipulado no Convenio. Estanse realizando limpezas nos domicilios mais aló das establecidas dentro das función das auxiliares (limpeza de cociñas de ferro, limpeza de cromados, limpeza de escaleiras, limpeza de ventanais, limpeza doutras estancias da familia onde non está o beneficiario do servizo.

 

8.- Non se informa aos usuarios dos seus dereitos e obrigas nin dos límites laborais das traballadoras.

 

9.- Custodia de chaves de diferentes domicilios sen asinar consentimento e recaendo a responsabilidade de dita custodia na traballadora. Intercambio de chaves entre traballadoras.

 

10.- Incumplimento dos tempos de descanso.

 

11.- Necesidade de que sexa facilitada unha tarxeta identificativa con código para facilitar, dentro da xornada laboral da traballadora, o aparcamento en zoas urbanas do Concello.

 

 PREGAMOS:

 Que como consecuencia da nova licitación e atendendo á dotación dineraria do servizo, e existindo un absoluto coñecemento por parte dos responsables tanto políticos como técnicos das precarias situacións que durante os últimos anos levan sufrindo as traballadoras do SAF no Noso Concello exista unha primeira reunión convocada entre a empresa que xestione o Servizo, os responsables técnicos e políticos do Concello e as propias traballadoras (Comité de Empresa) de cara a clarificar, manifestar, debatir, acordar e negociar todos e cada un dos puntos tantas veces reclamados e que conlevan a unha precariedade laboral que redunda nunha peor prestación do servizo aos usuarios.

Tendo en conta que, dos puntos sinalados a concesión dunha tarxeta que habilite para o aparcamento ás traballadoras en zoa urbana, é competencia directa do Alcalde, e tendo prometido en conversa coas traballadoras que ía xestionalo sin que o fixera a día de hoxe, requerimos a dilixente emisión desa tarxeta identificativa e codificada que facilite un pouco mais a labor dun sector tan importante e esencial para a nosa comunidade.

 

 

 

                                                                PRIMEIRA PREGUNTA

 

 

Ante a instalación da empresa Amazon no polígono E. Santo, vimos de escoitar que poden comezar a circular cada semana 50 trailers e mais de 300 furgonetas polo noso Concello.

 

PREGUNTAMOS:

 

Ten o Goberno de Cambre algún estudio ou previsión sobre o mais que posible incremento do tráfico, ou algunha alternativa para atenuar o mesmo nas Infraestructuras viarias do concello?.

 

 

SEGUNDA PREGUNTA

 

A parada de Autobús que hai en Cambre na rúa Cruceiro á altura do número 7 en adiante ten pouco espazo producíndose, en ocasións invasión da estreita beirarrúa .

 

Teñen prevista algunha actuación para correxir esta situación?

 

 

TERCEIRA PREGUNTA

 

Na Rúa Estanque, prácticamente enfronte ao Restaurante O Pozo, infórmannos que con bastante frecuencia hai aparcados coches, furgonetas e ate camións de reparto na zoa pintada de amarelo da que aportamos fotografías, provocando que os peóns, para poder pasar teñan que saír da beirarrúa pisando a calzada.

 

Consideran viable a instalación de bolardos ou algún outro elemento disuasorio para evitar ditas eventuais obstaculizacións do paso?

Febreiro de 2022

Olga Santos López. Concelleira