NOVAS DESDE CAMBRE

INICIATIVAS DE "ESQUERDA UNIDA" AO PLENO DO MES DE XUÑO

PRIMEIRO ROGO Son múltiples as queixas que, non de agora, senón de moito tempo atrás, vimos recibindo de veciñas e veciñas do Temple como consecuencia dos horarios restrictivos de atención ao público da Oficina de Correos que atende a unha poboación de casi 10.000 habitantes. O horario para acudir presencialmente á oficina, tanto para entregar como para recoller únicamente cubre de luns a venres en horario de 08:30 a 14:30, sen sequera ter os sábados pola mañán habilitados para poder dar unha solución alternativa a todas as persoas que non poden acudir de luns a venres no que é un horario que coincide nunha grande maioría dos casos coas xornadas laborais e de conciliación das familias, nunha parroquia que é eminentemente nova, formada por unha grande cantidade de familias con fillos en idade escolar e que, por tanto, teñen horarios incompatibles en moitos casos cos da oficina. Aínda que esta petición que formulamos ven de queixas recibidas no Temple, observamos que tamén a oficina de Cambre ten os mesmos horarios de atención ao público. Extensivamente podemos entender que a problemática pode ser a mesma na oficina de Cambre, que como hándicap ten a maiores que atende a moitas persoas de parroquias dificultando aínda mais a adaptación a estes horarios. PREGAMOS: Sexan dirixidas as reclamacións pertinentes a Sociedade Estatal de Correos y Telégrafos dende o propio Concello de Cambre, entidade local con entidade mais que suficiente para requerir a prestación do que debe ser un servizo público á veciñanza, que debe de poder ter opcións para entregar e sobre todo recoller notificacións de organismos públicos tales como catastro, xulgado ou outras entidades que comunican cuestións, en moitas ocasións moi relevantes.

SEGUNDO ROGO A falta de previsión, organización, e sobre todo, desatención ás obrigas propias dos cargos que ostentan, levan a que sexa a veciñanza a que pague as consecuencias da mala xestión constante do equipo de Goberno do Concello de Cambre. Non son opinións, son feitos. Nesta ocasión o Goberno municipal de Cambre non foi quen de prever cando chegaría o verán e como consecuencia, atopámonos que nos pregos de contratación de Mantemento e socorrismo da Piscina Castros do Bosque, a data de apertura da piscina é dende o 18 de xuño até o 18 de setembro de 2022. Con moita sorte, a apertura da piscina farase con mais de 15 días de retraso, tendo en conta que o seu estado actual é de absoluto abandono e que conlevará a súa necesaria limpeza e posta a punto. Tendo en conta o clima de Galicia, que o verán debemos aproveitalo ao máximo e que moitas veciñas e veciños xa se dirixiron á nosa formación, e entendemos que tamén ao Concello sen obter resposta concreta, PREGAMOS: Sexa posta a disposición ao público e á veciñanza con carácter inmediato a piscina Castros do Bosque, para dar cumplimento co compromiso do propio Goberno que incumple os seus propios pregos de contratación, nunha mostra mais de absoluta incompetencia para poder chegar a tempo das necesidades das veciñas e veciñas de Cambre.

TERCEIRO ROGO O camiño procedente da Estorrentada ata a marquesiña da estrada da Castellana, ten un tramo de aproximadamente 30 metros, sin beirarrúas. - PREGAMOS: Dende o Concello de Cambre sexan feitas as xestións pertinentes para dotar ao lugar de dito servizo fundamental para a veciñanza da zona. PRIMEIRA PREGUNTA O tráfico procedente na súa maioria dos polígonos do Espíritu Santo, (Cambre e Bergondo), atravesa os núcleos de Pravio e Cambre para continuar por Sigrás e O Temple, este feito produce diariamente un importante problema na circulación, que con demasiada frecuencia colapsa o centro da capital municipal e estradas que atravesan o concello, producindo un risco elevado de accidentes e colapso do tráfico. Ante o grave problema que afecta a moitas persoas a cotío PREGUNTAMOS: Ten o goberno municipal feito algún estudo sobre a intensidade de tráfico rodado na estrada AC-214, ao seu paso polo Concello, ou alternativa para mellorar e atenuar esta situación?. SEGUNDA PREGUNTA Solicitamos ser informados sobre a situación das obras, beirarrúas e reposición da marquesiña en Graduil.

TERCEIRA PREGUNTA Recibimos queixas de hostaleiros que veñen de expresar indignación polo que consideran unha "competencia desleal ou mesmo non suxeita á legalidade" doutros locais que ocupan unha grande cantidade de espazo público sen, previsiblemente, realizar o abono das taxas e mesmo ocupando unha grande cantidade de espazo público mentres outros non poden poñer mesas por carecer de espazo ou ser escaso. PREGUNTAMOS: Está actuando de oficio a policía local ante as múltiples queixas e problemas, en moitos casos denunciados?