NOVAS DESDE CAMBRE

INICIATIVAS PRESENTADAS O PLENO E COMISIÓNS DO MES DE DECEMBRO

MOCION DO GRUPO MUNICIPAL DE ESQUERDA UNIDA CONTRA A LOITA  A LOITA  DO VIH/SIDA.

EXPOSICIÓN DE MOTIVOS

En España estímase que cada ano contraen o virus entre 3.500 e 4.000 persoas, afectando xa a un total de 150.000 persoas. Dos novos diagnósticos, un 45% son tardíos, o que complica non só a posta en marcha do protocolo sanitario senón a recuperación da propia persoa. Na actualidade, prodúcense anualmente máis de 1.000 mortes ao longo de todo o Estado español por enfermidades asociadas á Sida. Ademais, unhas 50.000 persoas que contraeron o virus descoñece que o ten, supondo un terzo do total, o que aumenta as posibilidades de infección a terceiras persoas, sendo de feito este descoñecemento o causante de máis do 70% das novas transmisións.

Fronte ao que supón un problema de saúde pública de primeira orde atopámonos cun recorte orzamentario na dotación do Plan Nacional sobre a Sida dun 80%, pasando dos 4,5 millóns de euros cos que contaban as entidades implicadas en 2011 a tan só 1 millón de euros para 2013. Esta importante redución leva inexorablemente á desarticulación dos servizos de atención ás persoas que viven con VIH, así como dos servizos e campañas de prevención que viñan desenvolvendo tanto a nivel estatal, autonómico e local, sempre baixo o paraugas do Plan Nacional sobre a Sida.

Aos recortes en prevención súmanse as carencias no control da infección por VIH, estratexia fundamental de cara a frear a pandemia e alcanzar o obxectivo dunha xeración sen VIH/Sida. Por unha banda exércese a desprotección fronte ás persoas afectadas, cos riscos derivados en canto á súa saúde e a da súa contorna, posto que fronte ao descontrol e a desinformación as posibilidades de transmisión do virus a outras persoas increméntase exponencialmente, o que supón un anunciado incremento na incidencia de VIH na poboación. Cabe lembrar neste senso que os custos en tratamento sempre serán moito maiores que os custos en prevención e control, non só nun sentido estritamente económico, senón tamén en termos de saúde pública e calidade de vida.

POLO EXPOPSTO O GRUPO MUNICIPAL DE “EU” PROPÓN AO PLENO A ADOPCIÓN DOS SEGUINTES ACORDOS:

1.- Solicitar ao equipo de goberno deste Concello o desenvolvemento dunha campaña informativa de prevención de VIH no ámbito municipal que fomente o uso do preservativo e conciencie á poboación sobre a necesidade de facerse a proba de detección, pois un diagnóstico precoz do VIH asegura unha mellor calidade da saúde e abarata os custos sanitarios. Esta campaña debe ir especialmente dirixida á mocidade, así como á poboación máis vulnerable: os homes que teñen sexo con homes (HSH), e á poboación máis exposta, como é o caso das mulleres e homes que exercen a prostitución.

2.- Solicitar ao Concello o apoio e colaboración coas entidades sen ánimo de lucro que prestan servizos ás persoas que viven con VIH afincadas no municipio, co fin de suplir as carencias derivadas do drástico recorte de financiamento ao Plan Multisectorial sobre a Sida.

3.- Solicitar á Consellería de Sanidade o reforzo e promoción do Proxecto de detección precoz do VIH, por medio das probas anónimas de detección rápida de VIH, nos centros debidamente autorizados pola Dirección Xeral de Innovación e Xestión da Saúde Pública. De igual maneira, que garanta a asistencia sanitaria e o acceso ao tratamento antirretroviral a todas as persoas afectadas de VIH, incluídas as persoas refuxiadas e inmigrantes, xa que este colectivo supón unha parte relevante dos novos diagnósticos.

4.- Instar á Consellería de Sanidade a que retire o copago sanitario dos fármacos de dispensación hospitalaria, medida que repercute negativamente tamén nos pacientes con VIH/Sida, posto que algúns destes fármacos son necesarios no tratamento de enfermidades asociadas ao VHI/Sida. En tanto esta modificación non é adoptada, emprázase ao Concello a adoptar as medidas que considere oportunas para evitar unha situación de fracaso terapéutico e exclusión socio-sanitaria daquelas persoas que non poidan asumir o copago sanitario.

5.- Solicitar ás Consellerías de Sanidade e Educación desenvolver conxuntamente co concello un plan de concienciación e prevención da infección do VIH nos centros sanitarios e educativos. Devanditos plans deben facer fincapé na educación sexual das beneficiarias, en especial as persoas novas, ao caracterizarse este como o medio máis eficaz e económico de prevención de riscos na transmisión do VIH e outras ITS.

6.- Emprazar á Consellería de Sanidade a que adecúe a catalogación da infección por VIH como enfermidade infecto-transmisible en lugar de enfermidade infecto-contaxiosa, de cara a evitar situacións discriminatorias no acceso a bens e servizos das persoas que viven con VIH/Sida.

7.- Dar conta deste acordo a todas as persoas e grupos de interesados, en particular as ONGs implicadas na loita contra o VIH/Sida.

Da presente moción darase traslado:

-Ao Goberno central (Ministerio de Sanidade, Servizos Sociais e Igualdade, Ministerio de Educación, Ministerio do Interior).

-Ao Goberno autonómico (Consellería de Cultura, Educación e Ordenación Universitaria, Consellería de Sanidade, Consellería de Traballo e Benestar)

- Ás organizacións de loita contra o VIH/Sida e de atención ás persoas que viven co VIH, de Galicia e do concello.

ROGOS:

1.- Na sesión ordinaria do Pleno do 28 de Febreiro aprobouse unha moción do GM de EU pola que se deberían dar, por parte do Goberno Municipal, as ordes oportunas para publicar na Web as declaracións de bens e actividades dos membros da Corporación Municipal. A aprobación da Moción por unanimidade nos termos nos que foi presentada, supuña que dita publicación tería que facerse sin mais dilación dacordo co disposto ó respecto no ROM.

Baseándonos no anteriormente exposto

PREGAMOS

Se nos informe das xestións realizadas para a publicación das declaracións de bens e actividades dos membros da corporación, posto que xa pasaron 9 meses e ditas declaracións son documentos que están en poder da Secretaria do Concello e temos unha recén estreada páxina web na que ten cabida dita información.

2.-  1.- Veciñ@s da parroquia de San Lourenzo, manifestaron o noso Grupo a necesidade da ampliación do percorrido da linea de autobús de transporte circular do concello, co fin de prestar  servizo as familias que residen  no lugar  de Os Coruxos e favorecer  a mobilidade no municipio.

-Por esto PREGAMOS, que o Goberno local se dirixa a empresa responsable, co fin de modificar  e ampliar a linea 177 Cambre-Meixigo, ata o lugar de Os Coruxos

3.- Un dos lugares de maior tráfico rodado do concello, localizase na glorieta do centro de Cambre, onde  camións e autobuses teñen problemas para realizar o xiro na rotonda, existindo un continuo risco de accidentes e retencións do tráfico.

Unha vez mais PREGAMOS nos informen das medidas previstas  para resolver os problemas e correxir as deficiencias  existentes na mencionada rotonda.

PREGUNTAS:

1.- En varias ocasións,  O noso Grupo municipal ten plantexado a carencia na sinalización nas instalacións deportivas de titularidade pública do concello. A pesar  do tempo transcurrido e das promesas dos responsables do goberno,  na actualidade ainda non se procedeu a dar cumprimento o solicitado.

Polo exposto PREGUNTAMOS  ¿cando teñen previsto a instalar  sinais informativos indicando as instalacións deportivas  que carecen das mesmas?

2.- O noso Grupo ten  denunciado as deficiencias existentes nas instalacións deportivo-culturais  de Meixigo,  e as consecuencias negativas para  realizar as actividades nas mellores condicións de seguridade co conseguinte perigro para as persoas e  danos materiais, motivadas pola choiva no interior do local social.

Desde o Grupo de EU entendemos  que, sendo  estas infraestructuras de titularidade municipal, non abondan mais disculpas, e deben dar unha resposta a demanda dos usuarios que se sinten abandonados polos responsables municipais, poñendo unha vez mais de manifesto o malestar da veciñanza.

-¿Para cando pensa o Goberno municipal subsanar as deficiencias  das mencionadas instalacións, garantindo o seu dereito o uso nas mellores  condicións de seguridade?

3.- Según informacións do Goberno, existe unha memoria valorada sobre a seguridade viaria na estrada AC-214.

-¿Ten  enviado o Goberno municipal  algún  proxecto a Axencia Galega de Infraestructuras para dotar de medios de  seguridade a mencionada estrada?

                    

COMISIÓN INFORMATIVA DE OBRAS SERVIZOS E URBANÍSMO

1.- Na rúa Cruceiro existe un solar ( antiguo cine), que de non evitalo vai camiño de convertirse nun basureiro incontrolado de depósito de lixo de todo tipo. Este feito no centro da Vila, desmerece o propio lugar e urxe tomar as medidas.

-PREGAMOS ao Goberno actúe de forma inmediata, e procedendo a dictar as medidas correctoras a quen corresponda, para a súa limpeza e valado de dita parcela.

PREGUNTAS:

1.- ¿Poden informarnos das razóns da demora e cumprimento do compromiso adquirido polo goberno para instalar as medidas preventivas de seguridade na praza Manuel Lugrís?

2.- O Consorcio das Mariñas ten informado sobre  a instalación de recipientes para a recollida de aceites usados.

-¿Pode informar o Goberno,  para cando ten  previsto  prestar o servizo no Concello, e os lugares da súa ubicación?

3.- ¿Poden informarnos dos criterios establecidos para a instalación do alumeado de Nadal?

                   

COMISIÓN INFORMATIVA DE SEGURIDADE CIDADÁ, MOBILIDADE, CULTURA E TURISMO.

ROGO:

1.- No camiño que transcurre entre As Pereiras e Estorrentada,  un autobús de transporte escolar, ten establecido o seu percorrido por dito  vial, este feito produce retencións no tráfico  e problemas na circulación, o que ten  motivado as correspondentes   queixas dos veciñ@s

-Tendo en conta as limitacións de dito camiño, PREGAMOS se proceda a tomar as medidas oportunas en relación ao problema.

                         En CAMBRE, a 14 de decembro de 2013

                      Asdo: Grupo Municipal de "EU" de Cambre