NOVAS DESDE CAMBRE

INICIATIVAS DO GRUPO MUNICIPAL DE “ESQUERDA UNIDA” AO PLENO ORDINARIO E COMISIÓNS INFORMATIVAS DO MES DE SETEMBRO

MOCIÓN DO GRUPO MUNICIPAL DE ESQUERDA UNIDA PARA ADQUIRIR UN TERREO DESTINADO A INFRAESTRUCTURAS DE CARÁCTER RECREATIVO NA PARROQUIA DE CELA

EXPOSICIÓN DE MOTIVOS:

Un elemental principio de equidade obriga as Administracións Públicas a que equilibren mínimamente as dotacións de infraestructuras dos seus distintos territorios, de tal xeito que se eviten discriminacións entre veciños residentes en distintas zonas.

Partindo de tal principio, compre recoñecer que a parroquia de Cela constitue, na actualidade, unha das zonas mais desfavorecidas no reparto de infraestructuras públicas dentro do noso Concello, o que nos obriga, como representantes veciñais, a levar a cabo unha política solidaria que permita o equilibrio territorial o que antes aludíamos.

Esta carencia resulta especialmente grave tanto para xóvenes como adultos, que non teñen espacio para desenvolver actividades no seu ámbito de residencia que lles permita disfrutar dun lugar de actividades de carácter recreativo.

En repetidas ocasións e a iniciativa de EU, xa teñen xurdido nos debates plenarios a necesidade de dar resposta eficaz a este problema, alegando os responsables municipais como obstaculo, a carencia de terreos na zona para poder atender á cobertura desta necesidade.

Pois ben, dende EU defendemos a posta en valor e uso da parcela ubicada nas inmediacións da Igrexa (Cela), propiedade da Fundación Tenreiro que figura clasificada nas Normas Subsidiarias de Planeamento como SAU-BD1, que según informes técnicos existentes no concello, reune as condicións para poder destinala a actividades de carácter recreativo.

Deste xeito, a xuizo do noso Grupo Municipal, a solución pasa por iniciar negociacións urxentes coa propiedade da parcela en cuestión, co fin de estudiar fórmulas de posibles acordos; considerando dende o noso Grupo que a postura do Goberno quedaría reforzada si as negociacións quedaran a cargo dunha Comisión integrada por representantes de todos os grupos políticos.

POR TODO O EXPOSTO, O GRUPO MUNICIPAL DE ESQUERDA UNIDA PROPÓN AO PLENO A ADOPCIÓN DOS SEGUINTES ACORDOS:

PRIMEIRO.- Que no ámbito da Comisión Informativa de Obras Servizos e Urbanismo, integrada por representantes de todos os Grupos políticos con representación na Corporación, se inicien os contactos coa Fundación Tenreiro, co obxetivo de iniciar conversacións para a adquisición dos terreos, contemplados no apartado quinto da presente Moción.

SEGUNDO.- Rematados os seus traballos, a Comisión elaborará e presentará un informe ó Pleno Municipa, dando conta dos resultados e propoñendo as medidas axeitadas.

TERCEIRO.- Dar traslado da presente Moción a AA.VV, de Pravio-Cela.

ROGOS:

1.- As fontes do noso concello foron e siguen sendo puntos de gran importancia para o desenvolvemento das actividades diarias dos cidadáns, conservalas no mellor estado e unha tarefa necesaria que corresponde o Goberno municipal.

-PREGAMOS se realicen os traballos necesarios para o acondicionamento da fonte denominada A Fontaiña e o seu entorno, que figura no inventario de bens do concello según datos adxuntos.

2.- Son varios os veciños e veciñas que en diferentes ocasións se dirixiron ó noso Grupo Municipal para consultar polos criterios de selección que se utilizan para o Obradoiro de Emprego dedicado á Atención Sociosanitaria ou os Cursos de formación municipal para desempregados. Na páxina web do Concello indícase que aquelas persoas interesadas deberanse dirixir á oficina de emprego na que se atopen inscritos e solicitar a participación nestes cursos ou obradoiros.

A cuestión é, que unha vez que o INEM realiza dita selección as persoas que se inscribiron deixan de estar informadas sobre os criterios utilizados para elexir ás persoas seleccionadas, orixinando suspicacias, difíciles de despexar. Coidamos convinte, que dentro da información que o Concello aporta na Web, sería convinte que se engadiran os accesos ou enlaces onde consultar os criterios de selección para que aquelas persoas non elexidas poideran comprobar o baremo utilizado.

PREGAMOS sexa engadida a información completa sobre o proceso de selección realizado tanto nos cursos como obradoiros, nos que non sexa o Concello directamente quen o realice. Asímesmo, pregamos teñan en conta a posibilidade de facer constar as listas de admitidos e excluídos para dar maior transparencia ó proceso de selección.

3.- A estrada que transcurre paralela a autovía A-6 dende a Costa da Lapa As Tablas, a maleza cubre parte do vial e impide visualizar as sinais de precaución ubicadas na súa marxe, co risco de perigro para a circulación.

-PREGAMOS, se tomen as medidas correspondentes ante quen proceda para o seu acondicionamento.

PREGUNTAS:

1.- O Grupo Municipal de EU, ten presentado distintas iniciativas sobre o acondicionamento da finca “Molina” nas inmediacións do concello, e a posibilidade de negociar cos propietarios o seu uso para aparcamento público.

Recentemente a parcela foi desbrozada polos seus donos coa intención de instalar un valado delimitando a propiedade e eliminar o aparcamento.

-Pode informarnos o Sr. Alcalde si mantivo algún tipo de conversas ou negociación co fin de seguir utilizando o espacio para servizo de aparcamento dos veciñ@s e do propio concello.

2.- Non descubrimos ningunha novedade, si afirmamos que dentro do noso territorio municipal existen puntos que se utilizan como vertedeiros de residuos sólidos de lixo ou de calqueira outro tipo de productos materiais, algúns deles ubicados en zonas urbáns, afeando o entorno e deteriorando o medio natural.

En este caso veciños do Temple denunciaron o noso Grupo, o depósito de toneladas de escombros nunha parcela situada nas inmediacións da rúas travesía da Igrexa e travesía da Coutelana.