NOVAS DESDE CAMBRE

INICIATIVAS PRESENTADAS AO PLENO ORDINARIO DO MES DE MARZO POLA "ACDC"

MOCIÓN  PARA QUE A CONTRATACIÓN PÚBLICA DO CONCELLO INCLÚIA CRITERIOS SOCIAIS E AMBIENTAIS

EXPOSICIÓN DE MOTIVOS

Un dos principais mecanismos cos que contan as administracións públicas para conseguir o benestar dos cidadáns e cidadás é a contratación pública. O seu peso económico cífrase en máis dun 15% no PIB do Estado Español.

A contratación pública é unha ferramenta xurídica ao servizo dos poderes públicos para o cumprimento dos seus fins e valores fundamentais: cohesión social, redistribución da riqueza, igualdade e xustiza. Débese evitar, como viña ocorrendo ata agora, que a maior ponderación do criterio prezo, entre os tidos en conta para adxudicar os contratos, incida negativamente no mercado laboral, destruíndo emprego e empeorando as condicións dos traballadores.

Os obxectivos das administracións municipais neste ámbito deben estar dirixidos á consecución dunha contratación pública estratéxica, sustentable e socialmente responsable que teña en conta non só a calidade, eficacia e sustentabilidade ambiental na prestación de servizos públicos e nas compras públicas, senón tamén a necesidade de non incidir negativamente sobre as condicións nas que se desenvolve a prestación laboral ou sobre o propio emprego. A oferta economicamente máis vantaxosa non ten por que identificarse coa do prezo máis baixo.

O marco normativo da contratación pública viuse modificado coa aprobación dunha nova Directiva sobre contratación Pública -Directiva 2014/24/UE do Parlamento Europeo e do Consello do 26 de febreiro de 2014- que incide na aplicación doutros criterios de adxudicación, como os criterios sociais, ambientais, ou de innovación, prioritarios tamén en aras a un crecemento intelixente, sustentable e integrador que persegue a Estratexia Europa 2020, e na que a contratación pública desempeña un papel crave.

De acordo co disposto no Considerando 90 da Directiva, a adxudicación dos contratos debe basearse en criterios obxectivos que garantan o respecto aos principios de transparencia, non discriminación e igualdade de trato co fin de garantir unha comparación obxectiva do valor relativo dos licitadores que permita determinar, en condicións de competencia efectiva, que oferta é a economicamente máis vantaxosa.

Doutra banda, tal e como recoñece a Directiva Europea sobre contratación pública 24/2014, para ccalidade, eficacia e sustentabilidade ambiental na prestación de servizos públicos e nas compras públicas, senón tamén a necesidade de non incidir negativamente sobre as condicións nas que se desenvolve a prestación laboral ou sobre o propio emprego. A oferta economicamente máis vantaxosa non ten por que identificarse coa do prezo máis baixo.

Doutra banda, tal e como recoñece a Directiva Europea sobre contratación pública 24/2014, para contratos de prestacións directas a cidadáns no ámbito sanitario ou social resulta necesario un tratamento máis afastado do mercado, dado o carácter estratéxico das necesidades para satisfacer e, por iso, deben ser prestados desde unha estrita perspectiva de calidade.

É fundamental conseguir que a prestación de servizos públicos e as compras públicas sexan de calidade, estratéxicas, sustentables e socialmente responsables, e que deixe de ter efecto a obrigatoriedade de que o prezo máis baixo sexa o que determine a elección da empresa que prestará os servizos públicos cando se utilice máis dun criterio de valoración. Deste xeito poderá evitarse, como se sinalou antes, que a contratación pública incida de forma negativa no ámbito laboral.

Ha de terse en conta que naqueles contratos nos que o compoñente económico fundamental vén constituído polo custo da man de obra, a maior ponderación do criterio prezo entre os tidos en conta para a súa adxudicación pode incidir negativamente no mercado laboral e ser utilizado de forma impropia para xustificar numerosas actuacións que acaban destruíndo emprego e empeorando as condicións laborais dos traballadores.

POLO ANTERIORMENTE EXPOSTO O GRUPO MUNICIPAL DA “ACDC” PROPÓN AO PLENO A ADOPCIÓN DOS SEGUINTES ACORDOS:

1.- Que nos pregos de contratación que se realicen desde o Concello, se  incorporen cláusulas sociais e ambientais (criterios como a calidade das condicións de emprego, a inserción socio laboral de colectivos desfavorecidos, a diversidade funcional, políticas de xénero, ambientais e de comercio xusto,). Devanditos criterios tenderán a valorarse nun mínimo do 60% sobre a puntuación total.

2.- Naqueles supostos en que os órganos de contratación utilicen máis dun criterio para a valoración das proposicións e a determinación da oferta máis vantaxosa, deberán incluírse criterios que permitan identificar a oferta que presente a mellor relación calidade-prezo, tales como a calidade, accesibilidade, características sociais, ambientais ou innovadoras, entre outros, sempre que estean vinculados ao obxecto do contrato e formulados de forma obxectiva con pleno respecto aos principios de igualdade, non discriminación, transparencia e proporcionalidade.

3.- Os contratos de prestacións directas a cidadáns no ámbito sanitario ou social serán considerados desde unha estrita esixencia de garantías de calidade do servizo en relación ao obxecto do contrato con criterios tendentes á maior especificidade posible.

4.- Non prorrogar os contratos vixentes, redactando cando expire cada un deles un novo prego que incorpore ditas cláusulas.

ROGOS:

1º.- O pechamento da pista de skate presenta roturas e desperfectos no peche metálico do seu perímetro. PREGAMOS se procedan a reparar  estas deficiencias, co fin de evitar riscos e posibles accidentes na instalación deportiva.

2º.- No mes de outubro de 2015, aprobouse por unanimidade unha moción do noso Grupo Municipal, na que se chegou ó compromiso de emitir os plenos para que as veciñas e veciños interesados poideran acceder ás sesións plenarias dende as súas casas, e facer a política municipal mais cercana para todos. O Sr. Leirós, voceiro de UXC, manifestou a súa intención de celebrar unha Xunta de Voceiros para falar do tema e sobre todo informarse ben para poñelo a funcionar. 

A xunta de Voceiros non se celebrou nunca, e do tema non se volveu falar, polo que 6 meses despois da aprobación da iniciativa, sin que teñamos ningunha información ó respecto,

PREGAMOS: Se nos remitan os informes acadados e comprometidos polo goberno e se nos xustifiquen verbal e documentalmente todas as accións levadas a cabo para poder dar cumplimento ó acordo unánimemente aprobado polo conxunto desta corporación. Do mesmo xeito, pregamos se nos informe da partida orzamentaria reservada nos orzamentos pendentes de aprobar de 2016 para dar cumplimento a este acordo.

3º.- O acordo alcanzado entre a UE e  Turquía  permite expulsar, sen posibilidade de solicitar asilo, ás persoas chegadas a costa de Grecia dende países en conflicto é  de dudosa legalidade por violar os dereitos humanos fundamentais, como ten expresado a propia ONU. 

                 

Este acordo viola todos os dereitos humanos consagrados nos tratados internacionais, incluída a propia Convención de Xenebra, que é un texto que foi escrito para dar cobertura legal ós refuxiados e refuxiadas creados polos horrores do fascismo e da Segunda Guerra Mundial. 

                

A cuestión é que a fórmula que parecía valer para os europeos hay cincuenta anos, non vale cando son persoas doutros continentes as que chegan a Europa. 

                

Este acordo é asinado para poder dotar dunha aparente lexitimidade ante a mirada da xente unha serie de actuacións que rompen completamente coa legalidade internacional vixente e acadar, por 6.000 millóns de €, que Turquía sexa o sicario da UE e evite que os nosos gobernos manchen as súas mans de sangue e            non cumplan coa súa obriga, que é dar protección a quen o necesita.

                

Este acordo incumple, ademais, o Pacto Internacional dos Dereitos Civís e Políticos, a Carta Social Europea, o Convenio Europeo de Dereitos Humanos, o Tratado da Unión Europea, a Carta de Dereitos Fundamentais e o dereito internacional marítimo. 

                

Este acordo, na práctica supón a devolución a Turquía de todas as persoas interceptadas no mar e incluso das que cheguen ás illas gregas, xa que as demandas de asilo serán resoltas en poucos días e tras eso as persoas serán devoltas a Turquía. 

                

Tamén se nos quere facer ver que Turquía é un país seguro cando, según Amnistía Internacional, o goberno turco está a introducir a centos de persoas demandantes de asilo en autobuses para levalos a centros de detención onde se reclúen en réxime de aíllamento. Existen denuncias que poñen de manifesto que neses centros de detención pasan días e son suxeitos a palizas e torturas ata que, finalmente, son devoltos ó país do que fuxiran. Falamos de centos de persoas que arriscaron a súa vida e gastaron os seus aforros para chegar a Europa e tras ser torturados os devolven a Siria ou Irak. 

                

Resulta intolerable e muy perigrosa esta deriva ética que, en lugar de avanzar hacia unha Europa da solidariedade, pode conducir hacia unha Europa xenófoba, racista e contraria os máis básicos dereitos humans.

Dende a “ACDC” entendemos que o concello de Cambre non pode permanecer alleo ou indiferente ante unha decisión que condena cruelmente aos refuxiados que fuxen dos seus países en condicións inaceptables.

-Por isto PREGAMOS  ao Goberno do Concello a retirada da bandeira da Unión Europea (UE) dos espazos oficiais do Concello e edificios municipais, mostrando así o noso  rexeitamento como un xesto simbólico,  ante unha institución que maltrata os refuxiados.

PREGUNTAS: 

1.- No noso Concello  aprobouse unha iniciativa para dar carácter institucional ó dia da “Festa do árbore”. O pasado día 21 de marzo foi  o “Día Forestal Mundial” denominado tamén “Dia internacional dos bosques”,  dende o noso grupo non tivemos coñecemento de ningunha iniciativa por parte do concello encamiñado a promover valores de respecto á natureza e o indispensable papel das árbores no mantemento do ecosistema. Tampouco se levaron a cabo actos sobre a recuperación e celebración  da festa tradicional do “Día do árbore”. 

-¿Poden informarnos dos motivos para non realizar ningún acto nestas datas?

2.- No vial que transcurre dende A Cruz a Amil, un poste do tendido eléctrico instalado na súa marxe, supón un perigro para a circulación. Neste sentido entendemos que, independentemente das accións que se poidan realizar é de inmediata necesidade a sinalización do mesmo.

-¿Qué accións ten previsto o goberno realizar ou ten realizadas, no seu caso, para proceder á súa retirada ou retranqueo? 

3.- Son moitos os viales do concello que polo seu perigo carecen de biondas ou gardarrailes de protección.  

Tendo coñecemento deste feito e das queixas que os veciñ@s  fan chegar  ó noso Grupo municipal, queremos dar traslado ó Goberno do estado de inseguridade que se produce no camiño que transcurre entre a estrada CP.-1704 Brexo a Sta. Mª de Vigo CP.- 1704, presentando zonas que comportan perigo para a circulación rodada e peonil (sobre todo na proximidade do río Brexa), Coidamos se debe correxir esta situación para non ter que lamentar ningún accidente. 

En base ó anteriormente exposto o GM da ACDC PREGUNTA:

-¿Ten o Goberno prevista algunha acción ou medida de seguridade no citado camiño?

 25 de MARZO de 2016

Asdo: Olga Santos López.Voceira do Grupo Municipal Asemblea Cidadá de Cambre- Son