NOVAS DESDE CAMBRE

Yolanda Díaz, Eva Solla e Xabier Ron participan mañá domingo na 68ª Homenaxe aos guerrilleiros Gayoso e Seoane, en A Coruña

Yolanda Díaz, coordinadora de EU e deputada de En Marea no Congreso dos Deputados; Eva Solla, membro da dirección de Esquerda Unida, deputada de En Marea e vicepresidenta segunda do Parlamento; xunto con Xabier Ron, membro de EU e ex deputado de AGE participarán este domingo 6 de novembro ás 13h. na 68ª Homenaxe aos guerrilleiros José Gómez Gayoso e Antonio Seoane, que terá lugar no cemiterio civil de San Amaro, en A Coruña.

José Gómez Gayoso e Antonio Seoane foron militantes comunistas recoñecidos pola súa loita, coherencia e compromiso cos ideais da liberdade, da igualdade e a loita contra o fascismo. No ano 1946 foron detidos pola policía do réxime franquista e finalmente foron asasinados a garrote vil no cárcere provincial da Coruña o 6 de novembro de 1946, o día que lles rendemos homenaxe para que os seus nomes e os seus actos non caian no esquecemento. 

Yolanda Díaz, Eva Solla e Xabier Ron, na 68ª Homenaxe aos guerrilleiros Gayoso e Seoane, en A Coruña Data: Domingo, 6 de novembro. Lugar: Cemiterio Civil de San Amaro (A Coruña). Hora: 13 horas.