Prezadas compañeiras,
Prezados compañeiros,
o movemento das Marchas da Dignidade, plataforma de
mobilización unitaria da que Esquerda Unida forma parte dende os seus inicios,
volverá a sair as rúas en todo o Estado o vindeiro sábado 25 de novembro
nunha nova xornada de loita, reivindicación e dignificación social esta vez
para reclamar e defender o dereito a un sistema público de pensións.
Dende Esquerda Unida facemos un chamamento á participación
na mobilización para esixir un país que garanta pan, traballo, teito e no
concreto, tamén un presente e futuro en forma de pensións para as capas
traballadoras. As Marchas da Dignidade son un exemplo xenuíno do valor e forza
que representa o camiño da unidade popular, da posibilidade de confluencia dos
conflictos sectoriais e territoriais, dos diferentes axentes políticos, sociais
e sindicais en base a un programa de loita unificado. Nun momento que vemos
como o bloque da restauración avanza no seu reame político é preciso ser quen
de contribuir á recomposición da oposición popular dando corpo social as
alianzas forxadas no pasado ciclo electoral. Nesta liña o conflicto e á
mobilización social son as nosas prioridades.
En Galicia está convocada manifestación que, por primeira
vez, tomará a cidade da Coruña como centro de loita. Cuestión que esixe un
maior nivel de esforzo e implicación da nosa organización para asegurar o éxito
da convocatoria.
Anexamos a información relativa a manifestación:
Horario e percorrido
25 de febreiro ás 12 horas
con saída de dúas columnas dende praza de España e Pazo da Ópera confluíndo á
metade do camiño e finalización nos Xardíns de Mendez Nuñez. Na vindeira semana
enviaremos información detallada sobre o punto de quedada para a militancia
Esquerda Unida.
Repartos
Sábado 18: 12h Biblioteca de Montealto 17h Feirón de Sada
Domingo 19: 11h Acea de Ama 12h Campo da Leña
Luns 20: 19h rúa Pose, Gaiteira
Mércores 22: 11h centro saúde Ventorillo 19h rúa Barcelona
esquina rúa Cuba
Xoves 23: 11h mercado San Agustín, 19h cruce ronda Outeiro /
avenida de Arteixo
Información e redes
Se estades interesados en colaborar en algunha das
actividades previstas ou tedes calquera dúbida estamos a vosa disposición dende
a dirección local.
Saúde e Loita!
--
Coordinación Local
Esquerda Unida A Coruña
No hay comentarios:
Publicar un comentario