NOVAS DESDE CAMBRE

INICIATIVAS PRESENTADAS POLO GRUPO MUNICIPAL      

      DA "ACDC" O PLENO DO MES DE XUÑO

MOCIÓN SOBRE A POSTA EN FUNCIONAMENTO DO CONSELLO ESCOLAR MUNICIPAL.

EXPOSICIÓN DE MOTIVOS:

Con insistencia tense reclamado en distintas ocasións a posta en funcionamento do Consello Escolar Municipal  para dotar ao noso municipio con este órgano consultivo, dada a importancia que para nós ten a súa posta en funcionamento,  como un mecanismo útil para optimizar recursos e axuntar esforzos na tan importante tarefa educativa a nivel local, co fin de prever, planificar e dar as respostas necesarias en materia de programación,  problemática  educativa e estudo de necesidades na comunidade escolar do concello.

A posta  en marcha do Consello Escolar Municipal e unha tarefa que implica a responsabilidade do goberno do concello, xa que tería que estar funcionando fai bastantes anos, e non sabemos si non o está por desidia,  falta de capacidade ou unha auténtica vontade de poñer atrancos á posta en marcha dunha farramenta participativa e fundamental para prever e conquerir a necesaria mellora da calidade do ensino  no noso concello.

Unha vez mais e tendo en conta que proximamente abre o prazo para a matriculación nos centros de ensino, e tendo presente os distintos atrancos que se plantexaron no presente curso escolar polos diversos problemas nos distintos colexios do concello, o noso Grupo Municipal fai un chamamento os restantes integrantes da Corporación Municipal “con especial atención o Grupo de Goberno”  para que esta carencia sexa unha realidade, e lembrarlle que corresponde os poderes públicos garantir o dereito a educación mediante unha programación xeral do ensino, coa participación efectiva de todos os sectores afectados.

POLO EXPOSTO, O NOSO GRUPO MUNICIPAL PROPÓN AO PLENO A ADOPCIÓN DO SEGUINTE ACORDO:

UNICO.-   Encomendar ó Goberno Municipal que leve a cabo de inmediato as actuacións necesarias para poñer en funcionamento o Consello Escolar Municipal.

                                  

ROGOS:

1.- Veciños da rúa Tapia denunciaron ante o noso Grupo o perigro que supóñen os ladrillos no peche do local nº 8, polo risco de desprendemento a beiravía.

Por este motivo PREGAMOS se tomen as medidas oportunas para correxir a situación demandada.

2.- A publicación das actas de plenos e comisións informativas, non só é legal senón que tamén é unha obriga democrática o poñer a disposición da cidadanía a máxima información sobre a labor municipal. Observamos que a web corporativa, non ten publicado as actas plenarias dos últimos sete meses, e as publicacións das comisión informativas desapareceron da páxina do concello.

Por isto o Grupo da ACDC, Prega se proceda á publicación das mencionadas actas logo da súa aprobación e se nos explique os motivos do retraso para colgar unha información tan importante para ós veciños e veciñas.

3.-  En fronte á casa das palmeiras, no tramo desde o paraugas ata a costa da tapia, hai un semáforo. Nese sector iníciase un conxestionamento que, en horas punta, pode alcanzar unha columna de vehículos de máis de 300 metros. En si, segundo os condutores, cruzar por este sector toma ata 15 minutos nas horas críticas.

Substituíndo os semáforos por un paso peonil elevado, solucionaríase en parte o problema do tránsito.

Para os peóns, en cambio, os semáforos son de utilidade porque alegan que hai persoas que non poden subir polo paso elevado peonil que terían que dar un pequeno rodeo.

Pero tanto peóns como condutores coinciden en que estes semáforos forman unha traba para os vehículos. Entendemos que a súa substitución por un paso peonil elevado pode aliviar en algo a conxestión vehicular.

Por todo o exposto PREGAMOS que o grupo de Goberno teña en consideración a instalación dun paso elevado na devandita localización.

PREGUNTAS:

1.- Por motivos de transparencia na labor  municipal en relación ós gastos nos distintos eventos e festas que se desenrolan no transcurso do ano, presentamos a seguinte PREGUNTA para a súa resposta no pleno.

¿Existe a posibilidade de poñer no portal de transparencia da páxina web do  concello, os distintos gastos desglosados de todos os eventos que se celebran durante o ano? En caso afirmativo,  ¿pensan poñer dita información en coñecemento dos veciños a través do portal de transparencia?

2.- ¿Cantos establecementos teñen concedida licencia de terrazas e veladores na via pública e cantas actuacións se fixeron de oficio para comprobar o cumprimento da ordenanza recentemente aprobada e cantas por denuncias? 

                                          En CAMBRE, a 24 de xuño de 2017

                                     Asdo: Olga Santos López. Voceira do Grupo