NOVAS DE CAMBRE: CONSELLO LOCAL DE "ESQUERDA UNIDA DE CAMBRE" eu-cambre@esquerdaunida.org http://eucambre.blogspot.com.es/
jueves, 6 de marzo de 2014
miércoles, 5 de marzo de 2014
martes, 4 de marzo de 2014
Esquerda Unida
Secretaría de Organización
R/. Dublín, 8 baixo 15707 Compostela
Tfno./Fax: 981 589 099 – 681 015 134
organizacion@esquerdaunida.org
www.esquerdaunida.org
R. Dublín, 8 baixo 15707 Compostela / Tfno.-Fax: 981589 099 – 681 015 134/organizacion@esquerdaunida.org
www.esquerdaunida.org
CIRCULAR ORGANIZACIÓN 061/04032014
Compostela, 04/03/2014
MÁXIMA PRIORIDADE: PARTICIPACIÓN E IMPLICACIÓN
DE ESQUERDA UNIDA NA MARCHA POLA DIGNIDADE A
MADRID
Estimado compañeiro/a:
Como sabedes EU apoia a MARCHA GALEGA A MADRID do 22 de marzo dentro das MARCHAS
POLA DIGNIDADE que sairán de varios puntos do estado.
Para ir a Madrid existe un tren que por 45 euros ida e volta foi contratado gracias ao esforzo e
mediación do SINDICATO FERROVIARIO. O custe de este tren é fixo polo que temos que garantir a
máxima presencia dos homes e mulleres de EU neste 22 de marzo, É UN COMPROMISO que todos
e todas temos que contraer coa nosa organización e os compañeiros e compañeiras que están
dando a batalla para o bo fin desta marcha.
Dende a secretaría de organización pedímosvos que chamedes ou comuniquedes esta implicación
a tódolos militantes de EU e que participen na viaxe do tren e na marcha en Madrid.
Para que teñades información adxuntamos circular Nº1 de organización con acordos acadados
onte en Compostela para levar a bó porto o tema da marcha a Madrid en tren.
O tempo se nos vota enriba e, nin que dicir ten, que iste ten que ser un tema prioritario para
todos e todas pola responsabilidade adquirida. PARA APUNTARSE TEDES TODA A INFORMACIÓN
NA CIRCULAR ADXUNTA
PEDÍMOSVOS MÁXIMA IMPLICACIÓN NO TREN, os que teñades problemas para afrontar os 45
euros da viaxe falade directamente con organización xa que estamos batallando unha
subvencion interna dende EU nacional para que ninguén se quede sen poder asistir.
Apertas
Rubén Pérez
Secretario de Organización
http://marchasdadignidade.blogspot.com/
MARCHAS DA DIGNIDADE Circular de organización Nº1/ 03/03/14
Na primeira reunión técnica hoxe, en Compostela, acadamos os seguintes acordos:
Asumimos a contratación dos dous trens cos itinerarios e horarios que se adxuntaron
na Proposta de Loxistica para a viaxe en tren S-730 a todas as organizacións con
anterioridade a esta reunión. 520 plazas distribuidas en dous trens de 260 plazas (un
con saída de A Coruña e outro con saída de Pontevedra) con un prezo acordado por
plaza de 45€. Isto supón un desembolso de 23.400€ que temos que abonar a Renfe
como data límite o día 14 de marzo. 11.700€ por cada tren que temos que recadar nas
respectivas comarcas nun prazo máximo de 10 días.
Entendendo esto como unha situación de urxencia, e máis co sondeo feito a día de
hoxe, donde constatamos que na Coruña temos anotadas a 133 persoas, e na zona de
Pontevedra 120, acordamos como PRIORIDADE ABSOLUTA a consecución das 267
plazas que quedan por vender para completar a totalidade das plazas contratadas, a
sabendas de que si non se venden, de algunha forma teremos que abonalas.
Para organizar o traballo, acordamos a seguinte distribución de tarefas.
Nun plazo de 48 horas os responsables de cada tren terán que saber o número de
plazas vendidas no seu ámbito, e o diñeiro recaudado que terá que ser ingresado nos
respectivos números de conta que se facilitaran a continuación. Estos responsables
teran que xestionar deica a o día 12 e traballar para garantizar a cobertura das plazas
que faltan hasta completar os trens. Caso de ter excedente nun deles, coordinará cos
responsables do outro, para ver a mellor forma de garantizar a plaza a todo o mundo.
Os responsables de cada tren confeccionarán un listado co nombre, cidade, e teléfono
de cada viaxeiro que abone o billete de tal xeito que se poidan intercambiar datos para
ver a mellor ubicación nun o noutro tren. (Cabe a posibilidade de que en Compostela se
apunte xente que pode coller o tren en Ourense ou en Vigo por exemplo, ou ao revés,
ou outros casos que poidadan darse. Temos que ver de contar e prever todo eso.)
Non se pode agardar a que nos chamen. Os responsables teñen que chamar a
xente de cada vila e de cada organización do ámbito demandando datos e
resultados. O tempo apremia.
NO TREN DO NORTE CENTRALIZARANSE AS RESERVAS DE A CORUÑA-FERROL E
COMPOSTELA . Nomeánse responsables de coordinación para este tren a :
Santiago (Frente Cívico A Coruña) Tfno. 654.629.190 frentecivicocoruna@gmail.com
Angel Valladares (CGT ) 696 903.890 sp.xeral@gmail.com
NO TREN DO SUR CENTRALIZARANSE AS RESERVAS DE A PONTEVEDRA-VIGOOURENSE/
LUGO. Nomeánse responsables de coordinación para este tren a :
Manolo Camaño (CUT) Tfno. 630.684.141 cut.cangas@gmail.com
JCCostoya (SF-Intersindical ) Tfno. 661.402.977 sf,pontevedra@sindicatoferroviario.com
http://marchasdadignidade.blogspot.com/
En cada vila terá tamén que haber un responsable. A falta de máis datos que iremos
obtendo en breve, a día de hoxe, nomearonse as seguintes persoas:
A Coruña Santiago (Frente Cívico) Teléf. 654.629.190 frentecivicocoruna@gmail.com
Lugo Brais das XX.CC. - Teléf. 633.081.581
Compostela Rafa do MpB - Teléf. 669.277.160 rafa.dopico@gmail.com
Ourense Bernardo activista - Teléf. 687.958.161 988270876@telefonica.net
Pontevedra Fran da CUT- Teléf. 606.595.310 orevoltoso@gmail.com
Vilagarcía Ramón EU/IU Teléf. 680.560.310
Morrazo Maruchi da CUT Teléf 986 392.003 cut.cangas@gmail.com
Vigo Costoya do SF-IN. Teléf 661.402.977 sf.pontevedra@sindicatoferroviario.com
O día 5, ou 6, teríamos que ter concretadas xa o número total de plazas vendidas e
cobradas para cada tren, e si fora posible ingresadas as cantidades nas respectivas
contas. A comunicación nestes días ten que ser moi fluida.
Os ingresos teñen que corresponder a múltiplos de 45 e, para un mellor control, convén
facelos aportando datos no talón de transferencia. Por exemplo: para un ingreso de
135€ dende Ourense, anotar en observacions/concepto: “tres billetes Ourense”.
A OPERATIVA DE VENTA SERÁ A SEGUINTE:
Co cobro de cada billete entregarase o recibo correspondente dos 45€ anotando no
mesmo o nombre e teléfono do viaxeiro e firma de quén efectúa o cobro.
Cada recibo leva unha matriz donde tamen se anotará o nombre e o teléfono do
viaxeiro a quen se lle vendeu (si se quere tamén se pode poñer un número de serie
nas dúas partes que poida servir de control)
Cos datos das matrices confeccionarese un listado en cada lugar de venta que será
o que se traslade aos coordinadores de cada tren.
Por eses listados entregaránse, dous ou tres días antes da saida do tren, os billetes
aos puntos de venta para que se canxeen a cada viaxeiro polo recibo previamente
entregado.
AGORA TOCA , VENDER, VENDER, E VENDER. O día 12 temos que ter todo
rematado, e quedarannos 10 días para ver de que maneira podemos recaudar fondos
para devolverlle unha pequena parte dos cartos a cada un dos viaxeiros.
VENTA DOS BONOS DE 2, 5 e 10 € que acordamos hoxe, e outras iniciativas que
podamos acordar.
Todo isto salvo mellor opinión xa que todo é mellorable e sobre todo simplificable.
NA CONTA DE A CORUÑA Nº ES58 2080 5166 0030 0002 9394
Ingresará A Coruña, Ferrol, Compostela e todas as vilas de influencia
NA CONTA DE VIGO Nº ES29 2085 8160 3603 3025 4036
Ingresará Pontevedra, Vigo, Ourense, Lugo, e todas as vilas de influencia
http://marchasdadignidade.blogspot.com/
O día 11 de marzo ás 17 horas na sede da CUT de Compostela acordamos ter unha
nova xuntanza organizativa para valorar a situación.
En cada comarca haberá a liberdade para levar a cabo as iniciativas de recadación
económica, a mayores, como venda de bonos, das camisetas, concertos,…, que fagan
posible afrontar o reto económico da contratación do tren, e mesmo abaratar se é
posible o custe do billete do tren.
Saúdos fraternais.
Ado. JCCostoya
sábado, 1 de marzo de 2014
VOTE ESTA NOTICIA
Esquerda Unida recoge hoy firmas contra el servicio automático de petición de citas en centros de salud
01.03.2014 | 00:33
Esquerda Unida de Cambre instala hoy a las 12.00 horas en el paseo marítimo de O Temple una mesa para recoger firmas contra el servicio automático de petición de citas en centros del Sergas.
viernes, 28 de febrero de 2014
EN DEFENSA
DA SANIDADE PÚBLICA DE CALIDADE
CAMPAÑA DE “ESQUERDA UNIDA” DE
CAMBRE PARA DENUNCIAR A DIFICULTADE PARA PEDIR CITA NO SERVICIO DE ATENCIÓN
TELEFÓNICA DO “SERGAS”.
Mañán a partir das 12 horas, no Paseo Marítimo do Temple, EU de Cambre,
instalará unha mesa co fin de “recoller sinaturas en contra do servizo
automático de petición de citas nos Centros de Saúde do SERGAS”.
Conseguir unha cita nos Centros
de Saúde de Cambre mediante o sistema de atención teléfonica implantado
polo SERGAS, convirtese nun verdadeiro obstáculo para os usuarios, sobre todo
para as persoas maiores. As queixas baséanse fundamentalmente
no elevado custo que supón unha chamada a un servizo 902, así como polo molesto
que resulta ir seleccionando as diferentes opcións do menú ata chegar a pedir a
cita, algo que para moitas persoas supón unha obriga de desprazarse fisicamente
ata o centro, ou depender de terceiras persoas.
Para EU resulta cuestionable tanto a eficacia do sistema implantado como
a calidade do resultado do servizo aos pacientes implantado de xeito unilateral,
o que hai que engadir as negativas repercusións en materia de emprego.
A campaña, continuará o dia 2 na Praza Enrique
Piñeiro en Cambre e o dia 8 na Urbanización de A Barcala.
Asdo:
Consello Local de “EU” Cambre
%5B1%5D%5B1%5D.jpg)
INICIATIVAS DO GRUPO MUNICIPAL DE "ESQUERDA UNIDA" PRESENTADAS AO PLENO E COMISIÓNS INFORMATIVAS DO MES DE FEBREIRO.
MOCIÓN 8 DE MARZO CONTRA O ATAQUE AOS DEREITOS DAS MULLERES.
EXPOSICIÓN DE MOTIVOS:
Estamos asistindo a un dos momentos históricos de maior ataque aos
dereitos das mulleres. A dereita está agredindo aos pilares máis básicos da
democracia, como é a aspiración á que temos dereito todas as persoas á liberdade,
á autonomía persoal, ao acceso aos recursos e á igualdade entre todos os seres
humanos.
Esta grave regresión maniféstase de xeito categórico respecto dos
dereitos humanos das mulleres, froito do reforzamento das posicións máis
retrógradas do sistema patriarcal, que, coa escusa da crise económica, viu as
posibilidades abertas para deconstruir todo o conseguido.
O dereito das mulleres a elixir sobre a súa maternidade, é dicir, si
queren ou non ser nais, é un dereito rotundo que debe estar presente en calquera
circunstancia. É un dereito fundamental e, como tal, non pode ser obxecto de
intercambio cos estamentos relixiosos e sociais máis reaccionarios.
As normas segregadoras e sexistas como a de reforma laboral e a recente
Lei de educación que se están adoptado, xunto cos recortes en sanidade e na
asistencia na dependencia, a provisionalidad nos empregos, a privatización do
público… son medidas que están producindo un impacto de xénero que está xerando
o incremento da feminización da pobreza e a intensificación dos valores
represores da autonomía das mulleres.
A asignatura de relixión na escola pública e a exclusión da educación
sexual e reproductiva dela, non só é consecuencia da inxerencia do clero
herdeiro do franquismo nas decisións gobernamentais, senón que pretenden
instaurar o modelo xa caducado, de mulleres obedientes e sumisas.
POLO EXPOSTO O GRUPO MUNICIPAL DE ESQUERDA UNIDA PROPÓN AO PLENO A
ADOPCIÓN DOS SEGUINTES ACORDOS:
1º.- Elevar ao
Goberno de España a solicitude/esixencia de que non se atente contra os
dereitos fundamentais das mulleres e que non teña lugar a tramitación do
proxecto de lei contra o aborto.
2º.- Que se amplíen
os dereitos recoñecidos no texto vigente para que o aborto deixe de ser un
delito e poida practicarse libremente na sanidade pública en todo o territorio
español.
3º.- O Pleno do Concello de Cambre, adhírese a todas as
manifestacións do movemento feminista e organizacións de mulleres, que en
reivindicación dos acordos subscritos se convóque.
4º.- O Concello de Cambre,
comprométese a potenciar os valores de igualdade real, poñendo para iso todos
os medios ao seu alcance, como é a defensa da sanidade e a educación públicas e
laicas e plans de emprego e formación igualitarios.
5º.- Deste acordo se dará traslado ao Goberno de España,
aos Grupos Parlamentarios do Congreso de Deputados. Ao goberno, e aos Grupos
Parlamentarios da Xunta de Galicia.
MOCION DO GRUPO MUNICIPAL DE
“EU” QUE PROPÓN A TRAMITACION PARA A FORMALIZACIÓN EN DEFENSA DA AUTONOMIA
LOCAL CONTRA OS ARTIGOS PRIMEIRO E SEGUNDO E DEMAIS DISPOSICIÓNS AFECTADAS DA
LEI 27/2013, DE 27 DE DECEMBRO DE 2013, DE RACIONALIZACION E SOSTENIBILIDADE DA
ADMINISTRACIÓN LOCAL.
EXPOSICION DE
MOTIVOS:
Os artigos 140 e 141 da CE non só garanten e protexen a
existencia de municipios e provincias, senón que configuran ambas as dúas
entidades integrando un nivel na articulación territorial do Estado, atribuíndo
aos seus órganos, concellos e deputacións, as funcións de goberno e
administración de municipios e provincias, ao tempo que lexitiman as súas
políticas como expresión do pluralismo político e manifestación do principio democrático.
A Lei 27/2013, do 27 de decembro, de Racionalización e
Sostibilidade da Administración Local inverte radicalmente esta interpretación.
O Estado deixa de ser garante da autonomía para municipios e provincias e
pretende pasar a impedir ou dificultar a mellora e ampliación da autonomía
local polas Comunidades Autónimas.
Son tres grandes bloques de contidos da Lei 27/2013 os que
lesionan a garantía constitucional da autonomía local:
-O desapoderamento competencial dos municipios con
vulneración da garantía constitucional da autonomía local recoñecida nos
artigos 137 e 140 da Constitución.
- A inclusión de mecanismos de tutela, condicionantes e controis de oportunidade con vulneración da garantía constitucional da autonomía local.
- A inclusión de mecanismos de tutela, condicionantes e controis de oportunidade con vulneración da garantía constitucional da autonomía local.
-Vulneración do principio democrático no ámbito local.
Por iso PROPONSE AO PLENO:
PRIMEIRO.-Iniciar a tramitación para a
formalización do conflito en defensa da autonomía local contra os artigos
primeiro e segundo e demais disposicións afectadas da Lei 27/2013, do 27 de
decembro de 2013, de Racionalización e Sostibilidade da Administración Local
(BOE n.º 312 do 30 de decembro de 2013) de acordo ao texto que se achega,
segundo o sinalado nos arts. 75 bis e seguintes da Lei Orgánica 2/1979, do 3 de
outubro, do Tribunal Constitucional.
SEGUNDO. - Para tal efecto, solicitar Ditame
do Consello de Estado, conforme ao establecido no art.º 75 ter 3 da Lei
Orgánica 2/1979, do 3 de outubro, do Tribunal Constitucional, por conduto do
Ministerio de Facenda e Administracións Públicas, a petición da entidade local
de maior poboación (art.º 48 Lei 7/1985, do 2 de abril, reguladora das Bases de
Réxime Local), así como outorgar á devandita entidade a delegación necesaria.
TERCEIRO. - Facultar e encomendar o Alcalde
para a realización de todos os trámites necesarios para levar a cabo os acordos
primeiro e segundo e expresamente para o outorgamento de escritura de poder tan
amplo e bastante como en dereito se requira a favor da Procuradora Dña.
Virxinia Aragón Segura, col. n.º 1040 do Ilustre Colexio de Procuradores de
Madrid para que, en nome e representación do Concello de Cambre de forma
solidaria e indistinta, interpoña conflito en defensa da autonomía local contra
a lei 27/2013, do 27 de decembro de 2013 (BOE n.º 312 do 30 de decembro de
2013), de Racionalización e Sostibilidade da Administración Local seguíndoo por
todos os seus trámites e instancias ata obter sentenza firme e a súa execución.
ROGOS:
1.- Tras mais de medio ano dende que o
Concelleiro responsable da área de Deportes, Xuventude e Voluntariado adquirira
co noso grupo municipal o compromiso de procurar un parque adaptado para os
maiores en Cambre, aínda non temos ningunha información ó respecto das
xestións, informes ou traballos realizados, no caso de que os houbera, para a
consecución dun espazo adaptado ás persoas maiores que, no caso de Cambre,
teñen que desprazarse a outros lugares do Concello para poder facer uso dos
aparellos específicos para o seu lecer e exercicio.
-PPREGAMOS
se nos informe das xestións realizadas e de si vai ser acondicionado o parque
para maiores en Cambre ou non.
2.- O
Concello ten o deber de protexer, defender, realzar e dar a coñecer o valor
cultural dos bens integrantes do patrimonio cultural de Galicia que radique no
seu término municipal.
Así, deberán
realizar a tramitación administrativa que proceda para reclamar dos propietarios as accións necesarias que garantan a
conservación do ben.
Unha parte do patrimonio da Igrexa en Cambre permanece sen darlle
utilidade, en algún caso (coma a casa rectoral de Pravio ou o mosteiro de Bribes, con
especial deterioro). Estas propiedades registradas a nome da igrexa
católica, foron levantadas co esforzo e contribución de moitas aportacións
pesoais e económicas tanto públicas como privadas.
Resulta necesario evitar o seu
deterioro ou desaproveitamento para que dalgún xeito revirtan ó servizo do pobo
que as fixo realidade. Para conquerir este obxectivo, é preciso iniciar
contactos co arcebispado de Santiago e establecer fórmulas posibles de
utilización e a adopción de medidas que eviten o deterioro dos mencionados
inmobles.
O noso Grupo ten coñecemento que
en datas recentes o Alcalde tiña previsto reunirse coa xerarquía eclesiástica
para tratar este problema.
-Polo exposto o Grupo municipal de “EU”, PREGA o Sr. Alcalde nos informe
dos resultados das xestións e das
medidas a tomar, en relación o problema.
3.- Un dos
problemas que ocasionaron os fortes temporales de vento e choiva nas últimas semanas, foi a caida e
desplazamento dos contenedores de lixo, por carecer de suxeción e aparellos de
anclaxe, este feito ten ocasionado diversos accidentes no tráfico rodado e
peonil. O problema ten maior incidencia nas zonas mais urbáns do concello
supoñendo un perigro para a circulación.
PREGAMOS se adopten con urxencia as medidas
correctoras necesarias para solucionar o problema, como primeira medida nas zonas urbanas e nas estradas con mais circulación.
PREGUNTAS:
1.- O 065 e un servizo de
transporte público que garantiza a
movilidade a persoas con dependencia sin recursos. Este transporte adaptado corre o risco de ser desmantelado sin ningún tipo de
consenso, deixando os seus usuarios ante a indefensión.
Igualmente,
esta medida condena o desemprego a traballadores e traballadoras que perderán o
seu posto de traballo, pola aplicación de medidas de recorte do goberno da Xunta de Galicia, na sua aposta
por precarizar o emprego en xeral, e desmontar os servizos públicos en
particular, afectando en este caso, as persoas mais vulnerables.
-¿Pode informarnos o Goberno en que medida afectará o noso concello, e sí
existe algunha previsión para garantir a movilidade os usuarios?
2.- O Goberno ten entre as súas funcións dotar de
alumeado público os distintos camiños públicos do concello.
¿Cando ten previsto
o Goberno dotar de alumeado, a
parte da rúa Freixo que carece deste servizo?
3.- As
compañias de suministro eléctrico, presentan as facturas para o seu pago que en
moitos casos son difíles de comprender. Recentemente a Deputación de A Coruña
por medio da Fundación Axencia Enerxética, informaba sobre a prestación dun servizo gratuito de revisión
das facturas eléctricas, co fin de interpretar os recibos e detectar posibles
irregularidades. Para este fin o Concello deberá asinar un acordo de
colaboración coa propia Axencia.
-¿Pode informarnos o Goberno si ten suscrito dito acordo ou si está nas súas previsións realizalo a
corto prazo?
En
CAMBRE a 25 de febreiro de 2014
Asdo: Grupo Municipal de EU
COMISIÓN INFORMATIVA DE
OBRAS, SERVIZOS E URBANISMO
ROGOS:
1.- PREGAMOS
procedan a instalar unha arqueta no regato da
rúa Balado (esquina muralla “Cenador”)
co fin de evitar posibles accidentes.
PREGUNTAS:
1.- ¿Cando ten previsto o Goberno o
traslado da marquesina da parada do bus no Temple, e en que lugar pensa
ubicala?
Suscribirse a:
Entradas (Atom)